Wikipedia:Dŏng-nièng gĭng-dáng/10 nguŏk
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
gĭng-dáng sê 2024 nièng 12 nguŏk 18 hô̤. (sáuk-sĭng)
10 nguŏk nĭk-lĭk
| LB | B1 | B2 | B3 | B4 | B5 | B6 |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
Áng nguŏk káng: |
|---|
|
1 nguŏk · 2 nguŏk · 3 nguŏk · 4 nguŏk · 5 nguŏk · 6 nguŏk · 7 nguŏk · 8 nguŏk · 9 nguŏk · 10 nguŏk · 11 nguŏk · 12 nguŏk
|
10 nguŏk duâi-dâi
10 nguŏk 1 hô̤: Dṳ̆ng-guók: guók-kéng
- Sèng 331 nièng: Macedonia guók-uòng Alexandros 3-sié diŏh Gaugamela páh iàng Pŏ̤-sṳ̆ Darius 3-sié gì buô-dôi.
- 1367 nièng: Ciŏ Nguòng-ciŏng páh giâ Sŭ-ciŭ, ciŏng Diŏng Sê̤ṳ-sìng miĕk lâi.
- 1946 nièng: Mèng-gŭng găk Nuremberg sīng-puáng Nazi Dáik-guók gì liāng-dô̤-ìng.
- 1949 nièng: Dṳ̆ng-guók Gê̤ṳng-sāng-dōng gì liāng-dô̤-ìng Mò̤ Dĕk-dŭng găk Báe̤k-gĭng Tiĕng-ăng-muòng siàng-làu gà̤-dēng sŏng-buó sìng-lĭk Dṳ̆ng-huà Ìng-mìng Gê̤ṳng-huò-guók(dù).
- 1187 nièng: Ăi-gĭk gì guók-uòng Saladin páh giâ ké̤ṳk Sĕk-cê-gŭng ciéng kó̤ 88 nièng gì Ià-lô-sák-lēng.
- 1628 nièng: Mìng-dièu có̤i hâiu siŏh ciáh huòng-dá̤ Cùng-dĭng Huòng-dá̤ dĕng-gĭ.
- 1925 nièng: Ĭng-guók nè̤ng John Logie Baird huák-mìng diêng-sê(dù).
- 1941 nièng: Nazi Dáik-guók gì buô-dôi páh gáu Sŭ-lièng gì Moskva.
- 1363 nièng: Ciŏ Nguòng-ciŏng gâe̤ng Dìng Iū-liông diŏh Bŏ̤-iòng-hù duâi ciéng, có̤i cṳ̆ng ciŏng ĭ miĕk lâi.
- 1942 nièng: Nazi Dáik-guók huák-siâ sié-gái gà̤-dēng tàu ciáh dâng-dô̤ dô̤-dâng V-2 huōi-ciéng(dù).
- 1949 nièng: Dṳ̆ng-huà Ìng-mìng Gê̤ṳng-huò-guók gâe̤ng Sŭ-lièng gióng-lĭk ngôi-gău guăng-hiê.
- 1990 nièng: Dáik-guók ciáng-sék tūng-ék, sáng siâ-huôi-ciō-ngiê gì Dáik-é-cié Mìng-ciō Gê̤ṳng-huò-guók miĕk-uòng.
- 23 nièng: Lṳ̆k-lìng-gŭng páh giâ Diòng-ăng, ciŏng huòng-dá̤ Uòng Mōng tài-sī.
- 1929 nièng: Mī-guók gū-căi, gū-chê ciòng-buô duâi dâung.
- 1957 nièng: Sŭ-lièng gì Sputnik 1(dù) huák-siâ sìng-gŭng, cuòi sê tàu ciáh diē dê-giù gūi-dô̤ gì ìng-cô̤ ôi-sĭng.
- 1993 nièng: Ngò̤-lò̤-sṳ̆ gì cūng-tūng Boris Yeltsin sāi tāng-káik kó̤ páh ngiê-huôi duâi-làu, bék có̤i gŏ̤ Sŭ-mì-ăi ciō-sĭk Ruslan Khasbulatov giàng chók lì dàu-hòng. Cuòi cêu sê Moskva Sĕk-nguŏk Sê̤ṳ-giông.
- 1789 nièng: Huák-guók Dâi-gáik-mêng : Iā sâ̤ Huák-guók Bă-là̤ gì nṳ̄-gái diŏh Versailles duâi iù-hèng, káung-ngiê ŭk-gá guó gèng, siăh gì miêng-bău guó ciēu.
- 1938 nièng: Nazi Dáik-guók buô-dôi ciéng-liāng Ciĕk-káik gì Sudetenland.
- 1989 nièng: Să̤-câung liù-uòng céng-hū gì liāng-dô̤-ìng Dalai Lama 14-sié dáik gáu Nobel Huò-bìng-ciōng.
- 1991 nièng: Hŭng-làng gì diêng-nō̤ gĕ̤ng-tiàng-sṳ̆ Linus Torvalds huák-buó Linux(dù) gì tàu ciáh bēng-buōng.
- 1928 nièng: Ciōng Gái-sĭk dŏng-sōng Dṳ̆ng-huà Mìng-guók gì guók-mìng céng-hū ciō-sĭk.
- 1930 nièng: Dṳ̆ng-nguòng Dâi-ciéng: Ngièng Sék-săng gì céng-hū dō̤-tài.
- 1973 nièng: Ăi-gĭk gâe̤ng Sê̤ṳ-lé-ā cà̤ puái buô-dôi kó̤ páh Ī-sáik-liĕk, Dâ̤ 4 ché̤ṳ Dṳ̆ng-dĕ̤ng Ciéng-cĕng(dù) báuk-huák.
- 1976 nièng: Huà Guók-hŭng gó̤ nè̤ng kó̤ niăh Gŏng Chĭng, Diŏng Chŭng-giò, Uòng Hùng-ùng, Ièu Ùng-nguòng 4 ciáh nè̤ng (ciā 4 ciáh ké̤ṳk nè̤ng hô̤ lā̤ Sé-nè̤ng-bŏng), Dṳ̆ng-guók gì Ùng-huá Dâi-gáik-mêng giék-sók.
- 1849 nièng: Mī-guók cáuk-gă Edgar Allan Poe diŏh Maryland Baltimore gì siŏh ciáh ĭ-iêng diē-sié sĕng--kó̤.
- 1936 nièng: Dṳ̆ng-guók Gê̤ṳng-sāng-dōng gì È̤ng 1, È̤ng 2, È̤ng 4 săng ciáh huŏng-miêng-gŭng diŏh Găng-sé̤ṳk gì Huôi-nìng huôi-hăk, „Uâng-lī Diòng-cĭng“ giék-sók.
- 1949 nièng: Dáik-é-cié Mìng-ciō Gê̤ṳng-huò-guók găk Sŭ-lièng gì bō̤-hô giâ diŏh Dĕ̤ng Báik-lìng sìng-lĭk, ciā guók-gă ék-buăng ké̤ṳk nè̤ng hô̤ lā̤ „Dĕ̤ng-dáik“.
- 1976 nièng: Huà Guók-hŭng(dù) ciék-tá̤ sĕng--kó̤ gì Mò̤ Dĕk-dŭng, có̤ Dṳ̆ng-guók Gê̤ṳng-sāng-dōng Dṳ̆ng-iŏng Ūi-uòng-huôi gì ciō-sĭk.
- 1813 nièng: Tiĕng-lī-gáu gì liāng-dô̤-ìng Lìng Chĭng dái bĭng kó̤ páh Báe̤k-gĭng gì huòng-gṳ̆ng, Muāng-chĭng gì huòng-cṳ̄ Mièng-nìng (cĭ-hâiu gì Dô̤-guŏng Huòng-dá̤) dái bĭng huăng-káung, có̤i-cṳ̆ng ciŏng Lìng Chĭng siŏh dêng nè̤ng niăh kī lì.
- 1895 nièng: Dièu-siēng gì Mìng-sìng Huòng-hâiu ké̤ṳk Nĭk-buōng gŭng-sṳ̄ Miura Gorō áng-sák.
- 1967 nièng: Chók-miàng gì Marx Ciō-ngiê-ciā Che Guevara(dù) ké̤ṳk Bolivia céng-hū-gŭng niăh lā̤ tài lâi.
- 2010 nièng: Dṳ̆ng-guók nè̤ng Làu Hiēu-pŏ̤ dáik gáu Nobel Huò-bìng-ciōng.
- 768 nièng: Frank-nè̤ng gì guók-uòng Charlemagne dĕng-gĭ.
- 1446 nièng: Dièu-siēng gì Sié-cŭng Dâi-uòng sŏng-buó huák-mìng ngiêng-ùng cê-mō̤-biēu(dù). Gĭng-dáng gì Dièu-siēng-ngṳ̄ duâi buô-hông sê kĕk ciā ngiêng-ùng siā gì.
- 1740 nièng: Éng-nà̤ gì Dṳ̆ng-guók nè̤ng huák-dông kī-ngiê, ké̤ṳk Hò̤-làng sĭk-mìng céng-hū déng-ák, diŏh È̤ng-kă̤ tài sī 1 uâng nè̤ng. Muāng-chĭng huòng-dá̤ tiăng-gōng ī-hâiu mò̤ chiŏh mò̤ sê̤ṳ.
- 2006 nièng: Mī-guók gì Google gŭng-sĭ sāi 16.5 é mī-nguòng siŭ-gáiu Youtube.
10 nguŏk 10 hô̤: Dṳ̆ng-huà Mìng-guók: guók-kéng
- 1911 nièng: Dṳ̆ng-guók Dùng-mèng-huôi găk Ū-chiŏng huák-dông kī-ngiê(dù), có̤i cṳ̆ng tŭi-huăng Muāng-chĭng céng-hū. Gáu-muōi-lāu cī gĕ̤ng ké̤ṳk Dṳ̆ng-huà Mìng-guók diâng có̤ guók-kéng-nĭk.
- 1913 nièng: Panama Ông-ò̤ kī hō̤.
- 1934 nièng: Găk Sôi-gĭng gì Dṳ̆ng-guók Gê̤ṳng-sāng-dōng ké̤ṳk Dṳ̆ng-huà Mìng-guók guók-mìng céng-hū páh suŏ, kăi-sṳ̄ cāu bĕk-dó̤i kó̤, ciā dâi-gié ké̤ṳk Gê̤ṳng-sāng-dōng hô̤ lā̤ „Uâng-lī Diòng-cĭng“.
- 1945 nièng: Dièu-siēng Lò̤-dông-dōng Dṳ̆ng-iŏng Cū-cék Ūi-uòng-huôi sìng-lĭk.
- 1899 nièng: Transvaal Gê̤ṳng-huò-guók gâe̤ng Orange Cê̤ṳ-iù-băng ciáng-sék sŏng-buó hióng Ĭng-guók kŭi-ciéng, Dâ̤ 2 ché̤ṳ Boer Ciéng-cĕng(dù) báuk-huák.
- 1951 nièng: Dṳ̆ng-guók Ìng-mìng Gāi-huóng-gŭng páh Să̤-câung, Kelsang Wangdu dàu-hòng.
- 1954 nièng: Hồ Chí Minh dái-liāng Uŏk-nàng Dŭk-lĭk Dùng-mèng-huôi diē Hà Nội, ciéng-liāng Báe̤k-uŏk.
- 2007 nièng: YouTube diŏh Mĕ̤k-să̤-gŏ̤ ciáng-sék siông-siáng.
- sèng 539 nièng: Pŏ̤-sṳ̆ guók-uòng Cyrus 2-sié páh giâ Bă-bī-lùng.
- 1492 nièng: Christopher Columbus gì sùng-dôi dĕng-lṳ̆k Bahamas. Ĭ iâ sê tàu ciáh huák-hiêng Mī-ciŭ gì Ĕu-ciŭ nè̤ng.
- 1885 nièng: Muāng-chĭng diŏh Dài-uăng gióng-lĭk siŏh ciáh sēng. Cĭ sèng Dài-uăng sê sṳ̆k Hók-gióng-sēng guāng gì.
- 1960 nièng: Sŭ-lièng liāng-dô̤-ìng Nikita Khrushchev(dù) diŏh lièng-hăk-guók dâi-huôi gà̤-dēng cêng kó̤ sêu-ké, táung giâ cê-gă gì puòi-à̤ duâi mó̤ dó̤h-méng.
- 54 nièng: Lò̤-mā Dá̤-guók gì huòng-dá̤ Claudius ké̤ṳk ĭ lâu-mā Julia Vipsania Agrippina dŭk-sī, Nero(dù) siông-dài.
- 982 nièng: Lièu-guók gì Siĕu Tái-hâiu siông-dài.
- 1884 nièng: Greenwich Sì-găng ciáng-sék ké̤ṳk nè̤ng giĕ-dêng sê Guók-cié Biĕu-cūng Sì-găng.
- 1949 nièng: Dṳ̆ng-huà Ìng-mìng Gê̤ṳng-huò-guók gì Dṳ̆ng-guók Siéu-nièng Siĕng-hŭng-dôi sìng-lĭk.
- 1066 nièng: Normandy gŭng-ciók Willam 1-sié diŏh Hastings Ciéng-ĭk tài-sī Ĭng-gáik-làng guók-uòng Harold Godwinson.
- 1851 nièng: Reuters diŏh Ĭng-guók gì Lùng-dŭng kŭi-ngiĕk.
- 1944 nièng: Nazi Dáik-guók gì nguòng-só̤i Erwin Rommel(dù) ké̤ṳk nè̤ng huák-hiêng gâe̤ng áng-sák Adolf Hitler gì nè̤ng ô găng-guó, gó-chṳ̄ Hitler bék ĭ cê̤ṳ-sák.
- 1964 nièng: Leonid Brezhnev dŏng-sōng Sŭ-lièng Gê̤ṳng-sāng-dōng Dṳ̆ng-iŏng Ūi-nguòng-huôi gì cṳ̆-gé.
- 1815 nièng: Huák-guók huòng-dá̤ Napoléon Bonaparte ké̤ṳk Ĭng-guók nè̤ng liù-huóng gáu Saint Helena, gáu-muōi-lāu sī diŏh hŭ-uái.
- 1962 nièng: Sŭ-lièng ciŏng dô̤-dâng hâ gáu Cuba kó̤, gâe̤ng Mī-guók chă-nék-giāng buóh páh kī kó̤. Cuòi cêu sê Cuba dô̤-dâng nguòi-gĭ(dù).
- 1984 nièng: Dài-uăng cáuk-gă Gŏng Nàng diŏh Mī-guók ké̤ṳk Dài-uăng céng-hū gó gì háik-siâ-huôi gì nè̤ng áng-sák, cuòi cêu sê Gŏng Nàng Áng.
- 2003 nièng: Dṳ̆ng-guók tàu ciáh cái-ìng hĭ-sùng Sìng-ciŭ 5 hô̤ siông-tiĕng.
- 690 nièng: Dòng-dièu gì huòng-tái-hâiu Ū Cáik-tiĕng(dù) dĕng-gĭ, ciŏng guók-hô̤ gāi siàng „Ciŭ“ (周). Ĭ iâ sê Dṳ̆ng-guók lĭk-sṳ̄ gà̤-dēng mì-ék siŏh ciáh ké̤ṳk sū-iū nè̤ng sìng-nêng gì nṳ̄ huòng-dá̤.
- 1843 nièng: Ái-ī-làng só-hŏk-gă William Rowan Hamilton găk Dublin lók-gă̤ gì sèng-âu huák-hiêng sé-nguòng-só, ciŏng gŭng-sék siā diŏh buáng-diô-dŏng gì siŏh ciáh giò gì gà̤-dēng.
- 1846 nièng: Mī-guók ngāi-kuŏ ĭ-sĕng William Thomas Green Morton diŏh dông chiū-sŭk gì sèng-âu tàu huòi sāi ék-mì niông bâng-nè̤ng mâ̤ tiáng.
- 1964 nièng: Dṳ̆ng-guók tàu ciáh nguòng-cṳ̄-dâng diŏh Sĭng-giŏng báuk-cá.
- Sèng 538 nièng: Pŏ̤-sṳ̆ guók-uòng Cyrus 2-sié ciŏng Iù-tái-nè̤ng téng Bă-bī-lùng bóng diōng chió.
- 1831 nièng: Ĭng-guók kuŏ-hŏk-gă Michael Faraday huák-hiêng diêng-cṳ̀ gāng-éng gì hiêng-chiông.
- 1862 nièng: Muāng-chĭng céng-hū giĕ-diâng kĕk uòng-lṳ̀ng-gì (黃龍旗) có̤ Muāng-chĭng gì guók-gì.
- 2003 nièng: Dài-uăng gì Dài-báe̤k 101(dù) kī hō̤.
- 1009 nièng: Ià-lô-sák-lēng gì Séng-muó Gáu-dòng ké̤ṳk sáng Ĭ-sṳ̆-làng-gáu gì Fatimid Khalifah Guók tiáh lâi.
- 1860 nièng: Ĭng-guók gâe̤ng Huák-guók gì buô-dôi ciéng-liāng Muāng-chĭng gì siū-dŭ Báe̤k-gĭng, ciŏng Uòng-mìng-nguòng siĕu lâi(dù).
- 1867 nièng: Ngò̤-lò̤-sṳ̆ ciáng-sék ciŏng Alaska gău ké̤ṳk Mī-guók.
- 1922 nièng: BBC diŏh Lùng-dŭng sìng-lĭk.
- Sèng 202 nièng: Dâ̤ 2 ché̤ṳ Punic Ciéng-cĕng: Lò̤-mā gì ciŏng-gŭng Scipio Africanus diŏh Zama páh iàng Hannibal gì Carthage buô-dôi.
- 1781 nièng: Mī-guók Dŭk-lĭk Ciéng-cĕng: Mī-guók gâe̤ng Huák-guók gì buô-dôi diŏh Yorktown páh iàng Ĭng-guók buô-dôi, bék ĭ dàu-hòng(dù).
- 1812 nièng: Huák-guók huòng-dá̤ Napoléon Bonaparte gì buô-dôi liê kŭi Ngò̤-lò̤-sṳ̆ gì siū-dŭ Moskva.
- 1950 nièng: Dièu-siēng Ciéng-cĕng: Dṳ̆ng-huà Ìng-mìng Gê̤ṳng-huò-guók ciáng-sék puái Cé-nguòng-gŭng kó̤ dó̤i-chiū Dièu-siēng Mìng-ciō-ciō-ngiê Ìng-mìng Gê̤ṳng-huò-guók.
- 1945 nièng: Mùng-gū(dù) tŭng-guó dàu-piéu, ciáng-sék dŭk-lĭk.
- 1962 nièng: Dṳ̆ng-guók buô-dôi páh Éng-dô, cuòi cêu sê Dṳ̆ng Éng Biĕng-gái Ciéng-cĕng.
- 2003 nièng: Dṳ̆ng-guók gì «Dṳ̆ng-guók Diêng-nō̤ Gáu-ṳ̆k-bó̤» tàu huòi hióng Dṳ̆ng-guók nè̤ng gái-siêu Wikipedia.
- 2011 nièng: Libya gì dŭk-cài ìng-ŭk Muammar Gaddafi ké̤ṳk nè̤ng tài-sī.
- 1520 nièng: Buò-dò̤-ngà-nè̤ng Fernão de Magalhães huák-hiêng Magellan Hāi-hiĕk.
- 1879 nièng: Mī-guók kuŏ-hŏk-gă Thomas Edison huák-mìng diêng-dĕng(dù).
- 1949 nièng: Dṳ̆ng-huà Ìng-mìng Gê̤ṳng-huò-guók gì Dṳ̆ng-iŏng Ìng-mìng Céng-hū Céng-ô-iêng sìng-lĭk, gáu-muōi-lāu gāi miàng hô̤ lā̤ Guók-ô-iêng.
- 1983 nièng: Guók-cié Dô-liòng-hèng Dâi-huôi dṳ̀ng-sĭng giĕ-diâng 1 mī gì dêng-ngiê: guŏng găk cĭng-kŭng dâi-dŏng diŏh 1/299792458 miēu diē-sié giàng gì gê̤ṳ-liê.
- 794 nièng: Nĭk-buōng gì Kanmu Tiĕng-huòng ciŏng siū-dŭ buăng gáu Heian (gĭng-dáng gì Gĭng-dŭ), cuòi â̤ dé̤ṳng sáung Heian Sì-dâi gì kăi-sṳ̄.
- 1633 nièng: Mìng-dièu gì cūi-gŭng diŏh Gĭng-muòng hô-gê̤ṳng páh iàng Hò̤-làng gì buô-dôi.
- 1949 nièng: Sŭ-lièng sŏng-buó sìng-gŭng ngiēng-géu chók cê-gă gì nguòng-cṳ̄-dâng.
- 1964 nièng: Gă-nā-dâi sié-gié chók sĭng gì guók-gì(dù).
- 1856 nièng: Ĭng-guók puái buô-dôi páh Muāng-chĭng gì Guōng-ciŭ, Dâ̤ 2 ché̤ṳ Ă-piéng Ciéng-cĕng ciáng-sék báuk-huák.
- 1911 nièng: É-dâi-lé diŏh gâe̤ng Tū-ī-gì gì ciéng-cĕng dâi-dŏng tàu huòi sāi gáu hĭ-gĭ.
- 1956 nièng: Hṳ̆ng-ngà-lé gì Budapest huák-sĕng káung-ngiê sê-ŭi, ké̤ṳk gīng-chák déng-ák. Cuòi cêu sê Hṳ̆ng-ngà-lé Sĕk-nguŏk Sê̤ṳ-giông.
- 2001 nièng: Bìng-guō gŭng-sĭ sié-gié gì iPod (dù) ciáng-sék kăi-sṳ̄ mâ̤.
- 1851 nièng: Ĭng-guók tiĕng-ùng-hŏk-gă William Lassell huák-hiêng tiĕng-uòng-sĭng gì ôi-sĭng Ariel gâe̤ng Umbriel.
- 1860 nièng: Muāng-chĭng ciŏng Giū-lṳ̀ng gák ké̤ṳk Ĭng-guók.
- 1861 nièng: Mī-guók tàu ciáh kuā Báe̤k Mī-ciŭ Dâi-lṳ̆k gì diêng-bó̤ siū-huák sìng-gŭng.
- 1945 nièng: Mī-guók, Ĭng-guók, Dṳ̆ng-guók, Sŭ-lièng, Huák-guók chiĕng-dêng «Lièng-hăk-guók Hiēng-ciŏng», lièng-hăk-guók(dù) ciáng-sék sìng-lĭk.
- 1864 nièng: Tái-bìng Tiĕng-guók gì Éu-tiĕng-uòng (幼天王) Hùng Tiĕng-gói-hók diŏh Gŏng-să̤ ké̤ṳk Muāng-chĭng buô-dôi niăh kó̤.
- 1961 nièng: Mī-guók gâe̤ng Sŭ-lièng gì tāng-káik găk Báik-lìng gì Charlie giēng-chák-câng(dù) dó̤i-sê, ciā cuòi ī-hâiu Să̤ Dáik gâe̤ng Dĕ̤ng Dáik gì guăng-hiê iā gīng-diŏng.
- 1971 nièng: Lièng-hăk-guók tŭng-guó 2758 hô̤ giók-ngiê, ciŏng Dṳ̆ng-huà Mìng-guók (Dài-uăng) dṳ̆k chók Lièng-hăk-guók, ĭ gì sĭk-ôi ké̤ṳk Dṳ̆ng-huà Ìng-mìng Gê̤ṳng-huò-guók céng-hū dŏk kó̤.
- 2001 nièng: Mī-guók gì Mì-niōng gŭng-sĭ huák-buó Windows XP chŏ̤-cáuk-hiê-tūng.
- 1597 nièng: Dièu-siēng Uòng-dièu gì ciŏng-gŭng Lī Sóng-sìng găk Myeongnyang Hāi-hiĕk (diŏh gĭng-dáng Dâi-hàng Mìng-guók Jeolla Nàng-dô̤) hô-gê̤ṳng páh iàng Nĭk-buōng gì cūi-gŭng.
- 1909 nièng: Nĭk-buōng gì sèng siū-sióng Itō Hirobumi diŏh Dṳ̆ng-guók gì Hăk-ī-bĭng ké̤ṳk Hàng-guók nè̤ng An Jung-geun áng-sák.
- 1955 nièng: Uŏk-nàng Gê̤ṳng-huò-guók diŏh Uŏk-nàng nàng-buô gì Sài Gòn (gĭng-dáng gì Hồ Chí Minh Chê) sìng-lĭk, Ngô Đình Diệm (dù) dŏng-sōng cūng-tūng.
- 1979 nièng: Dâi-hàng Mìng-guók cūng-tūng Park Chung-hee ké̤ṳk nè̤ng áng-sák.
- 1275 nièng: Gĭng-dáng Hò̤-làng gì siū-dŭ Amsterdam gióng-lĭk.
- 1682 nièng: Philadelphia gióng-lĭk.
- 1927 nièng: Dṳ̆ng-guók Gê̤ṳng-sāng-dōng diŏh Gŏng-să̤ nàng-buô gì Gīng-gŏng-săng gióng-lĭk ĭ gì „gáik-mêng gŏng-gé̤ṳ-dê“.
- 1930 nièng: Dài-uăng Seediq-cŭk gì tàu-tàu Mona Rudo găk Ô-siâ huák-dông huāng-dó̤i Nĭk-buōng tūng-dê gì kī-ngiê, có̤i-cṳ̄ng sék-bâi. Cuòi cêu sê Ô-siâ sê̤ṳ-giông(dù).
.jpg)
- 312 nièng: Lò̤-mā Dá̤-guók huòng-dá̤ Constantinus 1-sié ciŏng Maxentius miĕk lâi, tṳ̀ng-sĭng tūng-ék Lò̤-mā.
- 1886 nièng: Huák-guók sé̤ṳng ké̤ṳk Mī-guók gì Cê̤ṳ-iù Nṳ̄-sìng-chiông diŏh Niū-iók kī uòng-gĕ̤ng, cūng-tūng Grover Cleveland gáu-dó̤i ciō-tì.
- 1922 nièng: É-dâi-lé gì Guók-gă Fascis-dōng hióng Lò̤-mā céng-gŭng (dù), gáu-muōi-lāu ciā dōng gì liāng-dô̤-ìng Benito Mussolini biéng siàng É-dâi-lé gì siū-sióng.
- 1962 nièng: Sŭ-lièng liāng-dô̤-ìng Nikita Khrushchev sŏng-buó ciŏng diŏh Cuba gì dô̤-dâng hâ diōng chió, Cuba dô̤-dâng nguòi-gĭ giék-sók.
- 1675 nièng: Dáik-guók só-hŏk-gă Gottfried Wilhelm Leibniz tàu huòi kĕk „∫“ ciā hù-hô̤ có̤ cék-hŭng gì biĕu-cé.
- 1863 nièng: Guók-cié È̤ng-sĕk-cê-huôi (dù) diŏh Sôi-sê̤ṳ gì Geneva sìng-lĭk.
- 1956 nièng: Ī-sáik-liĕk páh Ăi-gĭk gì Sinai Buáng-dô̤, Dâ̤ 2 ché̤ṳ Dṳ̆ng-dĕ̤ng Ciéng-cĕng báuk-huák.
- 1958 nièng: Sŭ-lièng cáuk-gă Boris Pasternak diŏh ĭ guók-nô̤i gì ák-lĭk cĭ giâ, mò̤-niĕ-ài sŏng-buó ng-dĭk cê-gă dáik gáu gì Nobel Ùng-hŏk-ciōng.
- 637 nièng: Ā-lá-báik Dá̤-guók ciéng-liāng Antioch.
- 1905 nièng: Ngò̤-lò̤-sṳ̆ huòng-dá̤ Nikolai 2-sié ciáng-sék băng-buó ciā guók gì tàu buô hiēng-huák, sìng-lĭk Guók-gă Duma.
- 1960 nièng: Ĭng-guók ĭ-sĕng Michael Woodruff sìng-gŭng có̤ siàng sié-gái gà̤-dēng tàu ciáh sêng-iè-sĭk chiū-sŭk.
- 1961 nièng: Sŭ-lièng gì kĭng-dâng „Tsar Bomba“ (dù) sìng-gŭng báuk-cá. Cuòi sê lĭk-sṳ̄ gà̤-dēng ŭi-lĭk có̤i duâi gì siŏh ciáh cá-dâng.
-3_new.jpg)
- 474 nièng: Să̤ Lò̤-mā Dá̤-guók có̤i hâiu siŏh ciáh huòng-dá̤ Romulus Augustulus dĕng-gĭ.
- 1517 nièng: Dáik-guók sìng-hŏk-gă Martin Luther diŏh Wittenberg gì siŏh găng gáu-dòng muòng-kāu táik ĭ siā gì «95 dèu lâung-gŏng», ciā dâi-gié â̤ dé̤ṳng sáung Sĭng-gáu gì cŭng-gáu gāi-gáik ông-dông gì kăi-sṳ̄.
- 1941 nièng: Mī-guók Rushmore săng gà̤-dēng diĕu hō̤ sé ciáh cūng-tūng gì chiông: George Washington, Thomas Jefferson, Theodore Roosevelt gâe̤ng Abraham Lincoln. Gáu-muōi-lāu ciā săng ké̤ṳk nè̤ng hô̤ lā̤ „Cūng-tūng-săng“ (dù).
- 2011 nièng: Lièng-hăk-guók ìng-kēu gĭ-gĭng-huôi diŏh cī siŏh nĭk sŏng-buó, sié-gái gì cūng-ìng-kēu ī-gĭng chiĕu guó 70 é.