Dài-uăng-sēng
| |||||||
| |||||||
| Biék-chĭng | Formosa | ||||||
| Sēng-huôi | Nàng-dàu (南投) | ||||||
Dài-uăng-sēng sê Dṳ̆ng-huà Mìng-guók gì siŏh ciáh sēng, tūng-dê Dài-uăng-dō̤ siŏh buô-hông chê gâe̤ng gâing, gó ô Pàng-hù hô-gê̤ṳng.
1887 nièng, Muāng-chĭng céng-hū ciáng-sék găk Dài-uăng sié siŏh ciáh sēng, hī sèng-âu cĭ sèng Dài-uăng sê sṳ̆k Hók-gióng-sēng guāng gì. Gáu-muōi-lāu Dài-uăng ké̤ṳk Muāng-chĭng gák ké̤ṳk Nĭk-buōng. 1945 nièng, Nĭk-buōng găk Dâ̤ ché̤ṳ sié-gái dâi-ciéng dâi-dŏng suŏ gò̤ dàu-hòng, Dài-uăng ké̤ṳk gák ké̤ṳk Dṳ̆ng-huà Mìng-guók. 1956 nièng, Dài-uăng-sēng céng-hū iù Dài-báe̤k buăng gáu Nàng-dàu-gâing gì Nàng-dàu-chê.
Hī sèng-âu Dài-uăng-sēng mò̤ dĭk-hăk-chê, gó̤-lòng dō̤ dŭ sê sṳ̆k sēng céng-hū guāng gì. 1979 nièng, Gŏ̤-hṳ̀ng téng sēng diē-sié buŏng chók lì có̤ dĭk-hăk-chê. 1998 nièng, Dài-uăng-sēng céng-hū ciáng-sék hṳ̆-huá, iù hèng-céng-iêng puái chók gì nè̤ng cŭ siàng gĭ-guăng.
2010 nièng 12 nguŏk 25 hô̤, Dài-báe̤k, Dài-dṳ̆ng, Dài-nàng ciáng-sék téng sēng diē-sié dŭk-lĭk chók lì, biéng siàng gĭng-dáng ciŏng-uâng iông-sék.
Hèng-céng kṳ̆-mĭk
Siŭ-gāiGĭng-dáng gì Dài-uăng-sēng sēng céng-hū găk Nàng-dàu-gâing. Sēng â-dā̤ ô 3 ciáh chê gâe̤ng 12 ciáh gâing:
- Ngì-làng-gâing (宜蘭縣)
- Sĭng-dé̤ṳk-gâing (新竹縣)
- Mièu-lĭk-gâing (苗栗縣)
- Ciŏng-huá-gâing (彰化縣)
- Nàng-dàu-gâing (南投縣)
- Hùng-lìng-gâing (雲林縣)
- Gă-ngiê-gâing (嘉義縣)
- Bìng-dĕ̤ng-gâing (屏東縣)
- Dài-dĕ̤ng-gâing (臺東縣)
- Huă-lièng-gâing (花蓮縣)
- Pàng-hù-gâing (澎湖縣)
- Giĕ-lè̤ng-chê (基隆市)
- Sĭng-dé̤ṳk-chê (新竹市)
- Gă-ngiê-chê (嘉義市)