Wikipedia:當年今旦/9月

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

今旦是2024年04月23號。 (刷新)

9月

9月1號：臺灣：記者節

• 1649年：土木堡之變：明朝部隊着土木堡全軍覆沒，皇帝明英宗乞蒙古兵拿去。
• 1939年：納粹德國生目蜀時派部隊去拍波蘭，者事件會中算第二次世界大戰開始其標誌。
• 1969年：利比亞國王伊德里斯一世乞軍官穆阿邁爾·卡扎菲（圖）逐落臺。
• 2003年：中華民國（臺灣）敆護照骿後加裡英文“TAIWAN”者詞。

9月2號：越南：獨立日

• 1666年：英國倫敦發生野大其火災，差不多有7萬隻儂其厝乞燒去。
• 1856年：天京事變：太平天國其東王楊秀清乞北王韋昌輝、燕王秦日綱兩隻儂刣囇去。
• 1945年：日本敆美國軍艦密蘇里號懸頂簽訂投降文件（圖），第二次世界大戰正式結束。
• 1969年：頭隻ATM機着美國其紐約掏出來使。

9月3號：中國：抗日戰爭勝利紀念日；臺灣：軍人節

• 301年：Saint Marinus建立聖馬力諾共和國，嚽是今旦世界懸頂最古老其蜀隻共和國。
• 1783年：英國共美國着法國 巴黎簽訂和約，英國承認美國獨立。
• 1943年：法西斯意大利向盟軍投降。
• 1976年：Viking 2探測器（圖）敆火星登陸，攝着頭張火星其近距離彩色相片。

9月4號：

• 476年：日耳曼儂將最後蜀隻西羅馬帝國其皇帝羅慕路斯·奧古斯都逐落臺，者事件標誌190年其西羅馬帝國滅亡。
• 626年：唐太宗李世民（圖）接受伊郎爸高祖李淵其禪位。
• 1870年：法國巴黎發生革命，皇帝拿破崙三世乞百姓廢囇，成立法蘭西第三共和國。
• 1998年：世界最大其網絡搜索引擎公司Google敆美國成立。

9月5號：

• 1187年：法國 其國王“太陽王”路易十四出世。
• 1839年：英國宣佈向中國（滿清）開戰，嚽會中標誌鴉片戰爭（圖）其開始。
• 1914年：法國共英國聯軍着馬恩河拍贏德國部隊，阻止伊繼續向巴黎推進。
• 1998年：金正日當選朝鮮民主主義人民共和國國防委員會其委員長。

9月6號：

• 前776年：根據《春秋》其記載，茲日魯國發生日食。嚽是世界懸頂頭回有準確記載其日食。
• 1839年：葡萄牙‎儂斐迪南·麥哲倫其船隊去世界拋梢蜀環以後，着茲日轉遘西班牙。
• 1901年：美國總統威廉·麥金萊敆紐約乞儂暗殺，八工以後着醫院生去。
• 1937年：中國共產黨着延安宣佈取消中華蘇維埃共和國（圖），改名號𡅏“中華民國陝、甘、寧邊區政府”。

9月7號：

• 70年：羅馬帝國將軍提圖斯拍下耶路撒冷（圖），鎮壓猶太儂其起義。
• 1901年：滿清政府共八國聯軍敆北京簽訂《辛丑條約》。
• 1953年：尼基塔·赫魯曉夫當選蘇聯共產黨中央委員會其第一書記。
• 1980年：中國第三屆全國人民代表大會開幕，總理華國鋒落臺。

9月8號：國際掃盲日

• 1944年：毛澤東着延安發表“為人民服務”其講話。
• 1945年：美國將軍道格拉斯·麥克亞瑟着日本成立“駐日本盟軍總司令部”（圖）正式佔領日本。
• 1967年：香港出臺法律，禁止市民將炮仗囥着厝裡勢。
• 1987年：中國頭回拍賣土地使用權。

9月9號：朝鮮：國慶

• 9年：日耳曼儂敆條頓森林拍贏羅馬帝國其部隊，滅囇伊其三隻軍團。
• 1927年：中國共產黨敆湖南發動“秋收起義”。
• 1948年：朝鮮民主主義人民共和國敆平壤成立。遘尾了茲蜀日乞朝鮮政府定做國慶日。
• 1976年：83歲其毛澤東（圖）着北京病死。

9月10號：中國：教師節

• 前74年：漢朝大臣霍光立漢宣帝劉病已做皇帝。
• 1368年：明朝部隊拍遘大都（今旦北京），元順帝趁半暝三更走去上都，元朝滅亡。
• 1980年：趙紫陽接替華國峰做中國國務院總理。
• 2003年：瑞典外交部長安娜·林德（圖）着百貨公司裡勢乞儂暗殺。

9月11號：

• 1297年：蘇格蘭儂着史特靈橋拍贏英格蘭其部隊。
• 2001年：九一一事件：基地組織劫持飛機去碰美國紐約其世界貿易大樓（圖），死2996隻儂。
• 2008年：中國媒體開始報導三鹿牛奶粉有污染。
• 2009年：臺灣其前總統陳水扁因為貪污共洗錢乞拿𡅏判無期徒刑。

9月12號：

• 前490年：希臘儂着馬拉松拍贏波斯其部隊。
• 1940年：四隻法國其青年哥着多爾多涅省其韋澤爾山谷拉斯科山洞發現17300年以前其壁畫。（圖）
• 1943年：德國派特種部隊去意大利，將關着大薩索山其本尼托·墨索里尼救出來。
• 2005年：美國網絡公司eBay決定收購Skype。

9月13號：

• 122年：羅馬帝國敆今旦其英國開始起哈德良長城（圖）。
• 1229年：成吉思汗其第三隻囝窩闊臺接班做蒙古其大可汗。
• 1943年：蔣介石當選中華民國其國民政府主席兼行政院院長。
• 1971年：九一三事件：中國共產黨中央委員會其副主席林彪搭飛機走去蘇聯，半墿中失事死去。

9月14號：

• 1867年：馬克思其《資本論》敆英國倫敦出版。
• 1911年：俄羅斯總理彼得·斯托雷平着基輔乞儂暗殺。
• 1959年：蘇聯其無人月球探測器月球2號（圖）着月球登陸。嚽是世界懸頂頭隻敆月球登陸其探測器。
• 2000年：微軟發佈Windows ME。

9月15號：

• 1835年：英國科學家查爾斯·達爾文遘加拉帕戈斯群島，敆夫塊討支持進化論其固価證據。
• 1916年：第一次世界大戰：英國部隊敆索姆河頭回使遘坦克。
• 1935年：納粹德國開始使“卐字旗”（圖）做自家其國旗。
• 1950年：朝鮮戰爭：聯合國軍着朝鮮半島其仁川登陸。

9月16號：

• 1810年：墨西哥教士米格爾·伊達爾戈·伊·科斯蒂利亞着多洛雷斯-伊達爾戈發動反對西班牙統治其獨立戰爭。
• 1908年：美國通用汽車公司（圖）成立。
• 1969年：蔣介石着陽明山山骹出車禍，身體罔變罔差。
• 1978年：茲日中秋節其晚晡發生月食，完全看𣍐着月。

9月17號：

• 745年：唐玄宗封楊太真做貴妃，者女界就是出名其楊貴妃（圖）。
• 1894年：甲午戰爭：滿清着黃海海戰乞日本拍輸去。
• 1900年：英國敆大洋洲其五隻殖民地獨立，組成澳洲聯邦。
• 1982年：北京電視製片廠成立，嚽是中國頭隻電視製片廠。

9月18號：

• 14年：羅馬帝國其將軍提比留登基做皇帝。
• 1066年：諾曼第公爵威廉一世開始拍英國，最終着蜀個月日以後將伊滅囇。
• 1924年：中國國民黨發表《護法宣言》，正式北伐。
• 1931年：九一八事變（圖）：日本派部隊拍瀋陽其中國部隊，遘尾了完全佔領滿洲。

9月19號：

• 1356年：英國其烏太子愛德華敆普瓦捷拍贏法國部隊，將伊其國王約翰二世拿去。
• 1991年：兩隻德國儂着阿爾卑斯山其冰川懸頂發現木乃伊冰人奧茨。
• 2004年：江澤民（圖）辭去中國共產黨中央軍委主席其職務。
• 2006年：泰國部隊趁總理他信出國其辰候發動政變，將伊逐落臺。

9月20號：

• 前480年：希波戰爭：希臘儂着薩拉米斯海懸頂拍贏波斯部隊。
• 1519年：葡萄牙儂斐迪南·麥哲倫（圖）坐船開始環世界其旅行。
• 1644年：滿清其順治皇帝將首都趁盛京（今旦其瀋陽）搬遘順天（今旦其北京）。
• 1954年：中華人民共和國通過頭部憲法。

9月21號：

• 1069年：宋神宗採納王安石其建議，開始實施青苗法。
• 1792年：法國大革命：法國國民會議通過投票，廢除君主制。
• 1898年：慈禧太后發動政變，將光緒皇帝關起來，戊戌變法失敗。
• 1937年：英國作家約翰·羅納德·魯埃爾·托爾金出版《霍比特人》。（圖）

9月22號：

• 189年：東漢其外戚何進乞宦官暗殺。
• 1630年：明朝將軍袁崇煥乞崇禎皇帝淩遲刣死。
• 1888年：美國其國家地理雜誌（圖）開始出版。
• 1940年：第二次世界大戰：日本兵趁中國其廣西拍越南。

9月23號：

• 1459年：玫瑰戰爭：英格蘭約克家族着布洛希思拍贏蘭開斯特家族其部隊。
• 1831年：英國科學家麥可·法拉第發明發電機。
• 1846年：德國天文學家約翰·格弗里恩·伽勒根據奧本·勒維耶其計算發現海王星（圖）。
• 1949年：蘇聯研究原子彈成功爆炸。

9月24號：

• 622年：伊斯蘭教先知穆罕默德着麥加乞儂迫害，帶伊其信徒走去麥地那。
• 1841年：汶萊其蘇丹將沙撈越割乞英國儂詹姆斯·布魯克（圖）。者儂就自稱沙撈越拉者。
• 1967年：中國共蘇聯其部隊着烏蘇里江發生衝突。
• 1993年：柬埔寨國王諾羅敦·西哈努克登基。

9月25號：

• 1513年：西班牙儂瓦斯科·努涅斯·德·巴爾沃亞翻過巴拿馬地峽，看見太平洋。
• 1937年： 中國八路軍着平型關拍贏日本部隊。
• 1972年：日本首相田中角榮訪問中國，四工以後，日本共中國建立外交關係。
• 2008年：中國其神舟七號（圖）成功升天。

9月26號：

• 1580年：英國儂弗朗西斯·德雷克坐船敆世界懸頂拋梢蜀環以後轉遘英國其普利茅斯。
• 1687年：威尼斯共和國其部隊挈炮拍土耳其帝國掏𡅏做炮彈庫其雅典帕台農神廟（圖），將者廟做散斗去。
• 1777年：美國獨立戰爭：英國部隊拍下美國其行政中心費城。
• 1907年：新西蘭共紐芬蘭變成英國其自治領。

9月27號：

• 1822年：法國儂讓-弗朗索瓦·商博良宣佈成功解讀羅塞塔石碑懸頂其古埃及文字。
• 1905年：愛因斯坦着德國其《物理年鑑》懸頂發表文章，推導出質能等價其公式“E=mc²”.
• 1940年：德國、意大利共日本敆柏林簽訂同盟條約，遘尾茲三國號𡅏“軸心國”。
• 1983年：美國儂理察·斯托曼發起GNU計劃（圖），伊其目的是開發自由其操作系統UNIX.

9月28號：臺灣：教師節

• 前48年：乞凱撒拍輸走去埃及其龐培乞夫塊其法老（國王）暗殺。
• 189年：漢朝其丞相董卓將皇帝劉辯廢囇，立伊其弟陳留王劉協做皇帝。者劉協就是漢獻帝。
• 1986年：臺灣民主進步黨着臺北其圓山大飯店成立。
• 2012年：中國共產黨宣佈將薄熙來（圖）開除黨籍。

9月29號：

• 1860年：滿清其咸豐皇帝由圓明園走去承德避暑山莊，讓伊其弟恭親王奕訢（圖）共英、法部隊談判（第二次鴉片戰爭其蜀部分）。
• 1885年：英國着蘭開夏郡其烏潭開通世界懸頂頭路實用其電車。
• 1913年：中國頭部電影故事片“難夫難妻”着上海上映。
• 1972年：中華人民共和國共日本建立外交關係。

9月30號：

• 1949年：中國共產黨敆天安門廣場開始起人民英雄紀念碑（圖）。
• 1955年：新疆維吾爾自治區成立。
• 1967年：南京長江大橋部分起好通車。
• 1980年：美國迪吉多、英特爾、施樂三隻公司齊制定出以太網技術規範。