香港
中國南方其蜀芘特別行政區
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
| 中華人民共和國香港特別行政區 | |||||
| 中華人民共和國香港特別行政區 Hong Kong Special Administrative Region, People's Republic of China | |||||
| |||||
| 自然地理 （實際控制） | |||||
| |||||
| 首府 | 香港島 | ||||
面積
| |||||
| 人民生活 | |||||
| 官方語言 | 香港政府「兩文三語」政策 兩文：中文、英文 三語：普通話、粵語、英語 | ||||
| 通用語言 | 粵語、英語 | ||||
| 人口 | |||||
| 政治文化 | |||||
| 政治制度 | 資本主義 | ||||
| 領導人 | |||||
| 經濟實力 | |||||
| 貨幣單位 | 港元 | ||||
| GDP | $3028.14億 （2013年） | ||||
| 人均GDP | $55,383（2013年） | ||||
| HDI | 0.891（2014年） | ||||
| 國家資料 | |||||
| 國家代號 | HKG | ||||
| 國際域名縮寫 | .hk | ||||
| 國際電話區號 | +852 | ||||
香港是中國南方其蜀芘特別行政區，全名號𡅏「香港特別行政區」，是中國兩芘特別行政區之一。
香港原來是滿清廣東下底其蜀隻縣。原來是蜀隻盡去逼其地方，野価海賊將窩做着嚽塊。滿清敆鴉片戰爭拍輸去，1842年，將香港島割乞英國；遘尾復將九龍共新界租乞英國99年。英國將者殖民地發展野好，讓伊變成亞洲最發達其城市之一，共韓國、新加坡、臺灣齊號𡅏「亞洲四小龍」。
九龍共新界其租期敆1997年遘塊，差不多由1970年開始，英國共中國談判，卜將茲2隻地方還乞中國；但是中國一再堅持野卜挃是殖民地其香港島。最尾無年呆着1997年7月1號將香港島、九龍共新界都掏交乞中國，茲件事計乞今旦其中國儂號𡅏「香港回歸」。者「香港特別行政區」就總款成立去了。
香港儂頭底無參加香港歸屬其談判，故此有其香港儂有乞儂出賣其感覺。復加𡅏六四事件以後𣍐少其香港儂對中國政府印象𣍐好，有其儂見覺香港着獨立或者繼續接受英國其統治。
根據《香港特別行政區基本法》其規定，香港實施資本主義。嚽共大陸其社會主義制度𣍐蜀樣，因為「保持資本主義制度50年不變」是中國政府共英國約定其。敆英國統治辰候，香港其官方語言是英語共粵語，英語為主；遘「香港回歸」以後，官方語言改成「兩文三語」（兩文：中文、英文，三語：普通話、粵語、英語）。