"臺灣" 是蜀篇漢字其文章,卜覷平話字版本"Dài-uăng",篤嚽塊

臺灣(音關於只芘音頻文件 Dài-uăng或者Dài-uàng,閩南話Tâi-oân英語Taiwan)是太平洋懸頂其蜀萆島嶼,敆中華人民共和國福建省東部,是中華民國主要其管轄區。臺灣本來該當讀做「Dài-uàng」,漢字寫做「臺員」。

臺灣地圖

舊底西方也叫臺灣做Formasa(趁葡萄牙語 Ilha Formosa 來其,意思是「美麗其島嶼」)。

歷史 Siŭ-gāi

 
1896年其臺灣地圖,有蜀萆地名使白話字

古早早,就有講南島語系其原始民族住著臺灣。再遲遘15世紀,都無受漢族文化其影響。

1624年遘1662年,臺灣乞荷蘭統治。荷蘭政府調福建沿海居民搬遘臺灣開發。

1662年2月1號,鄭成功軍隊拍赢荷蘭軍隊,佔領臺灣,建立東寧國

1863年,清朝將軍施琅拍赢東寧國,由是,臺灣成為清朝其領土。

1895年,中日甲午戰爭爆發,清朝政府共臺灣割去日本

1911年,辛亥革命爆發,中華民國成立,清朝倒臺。1945年,日本戰敗,中華民國開始統治臺灣。1949年,中華民國國民革命軍國共內戰失敗,走去臺灣。於是,臺灣代表中華民國,一直遘今旦。

人口 Siŭ-gāi

根據2005年其估量,臺灣有2,290萬儂,有98%是漢族。著漢族臺中,有86%是早期其漢族移民,包括講閩南話Holo儂共講客話客家儂,其他其漢族都是1949年跟𡅏國民黨走遘臺灣其中國大陸人。

遘有2%(大約卜50萬儂)其人口是臺灣其原住民,譬如講平埔族高山族

文化 Siŭ-gāi

臺灣其文化主要是趁中國大陸傳來其,也受著日本美國文化其影響。1990年代,臺灣開始本土化運動,真価臺灣本地文化(Holo客家儂共原住民)都開始復興。

 

維基共享有相關檔案:臺灣