中國共產黨
中華人民共和國唯一蜀隻合法執政黨
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
中國共產黨，簡稱中共，是中華人民共和國唯一蜀隻合法其執政黨。
中國共產黨敆1921年7月23號着上海成立，有13隻中國代表共2隻外國儂參加者會議。遘尾了參加其儂臺中無蜀隻會記者會是7月其底蜀日開其，就將7月1號定做建黨紀念日。
1931年，中國共產黨建立中華蘇維埃共和國政府。中華民國派部隊去拍，最終共產黨乞伊拍輸去，1934年走去延安。抗日戰爭其辰候共產黨共中華民國政府合作，自家其部隊改名號𡅏八路軍。抗日戰爭之後無箬恒就發生內戰。1949年，共產黨將中華民國政府逐去臺灣，敆北京另立中華人民共和國政府。
中國共產黨堅持社會主義制度，是今旦9隻社會主義國家其執政黨之一。根據今旦中國共產黨其黨章規定，伊其指導思想有：馬克思列寧主義、毛澤東思想、鄧小平理論、三隻代表、科學發展觀共習近平思想。