William Shakespeare

William Shakespeare (1564 nièng 4 nguŏk – 1616 nièng 4 nguŏk 23 hô̤) găk Dṳ̆ng-guók ĭng-ĭk Să-sê̤ṳ-bī-ā (莎士比亞), iâ hô̤ lā̤ Să-ŭng (莎翁), sê Ĭng-guók sĭ-ìng gâe̤ng hié-kiŏk-gă, ké̤ṳk nêng-ùi sê Ĭng-ngṳ̄ dék ūi-dâi gì cáuk-gă. Ĭ ô siā mū-liŏh 38 piĕng hié-kiŏk gâe̤ng 154 dà̤ sĕk-sé-hòng-sĭ ī-gĭk gì-tă cṳ̄ng-lôi gì sĭ-gŏ̤. Ĭ uăk lā̤ sèng-âu cêu iā chók-miàng, guó-sié hâiu gáing-gáing go̤.

Găk hié-kiŏk huŏng-miêng, Shakespeare siā pĭ-kiŏk gâe̤ng hī-kiŏk dŭ cĭng să, káik-uâ gì ìng-ŭk ô hŭk-căk gì ìng-gáh, iâ ô diék-hŏk chĭng-dô.

Shakespeare gì cáuk-pīng ké̤ṳk huăng-ĭk có̤ gáuk-cṳ̄ng ngṳ̄-ngiòng, ĭ gì hié-kiŏk iâ ké̤ṳk buăng siông sié-gái gáuk-dê gì hié-dài, hié-bàng gà̤-dēng iēng-chók. Ĭ cáuk-pīng sāi-ê̤ṳng gì sṳ̀ guó ô cĭng sâ̤ dŭ ké̤ṳk ngék diē bàng-siòng-găng gì Ĭng-ngṳ̄.

Cáuk-pīng

Hié-kiŏk

Shakespeare duâi-buô-hông hié-kiŏk dŭ ī lĭk-sṳ̄ có̤ dà̤-cài, chiông «Hamlet» (Hamlet), «Lear Uòng» (King Lear). Ĭ gì hié-kiŏk â̤-sāi buŏng có̤ 3 cṳ̄ng hŭng-gáh:

cā-gĭ gì lâung-mâng hī-kiŏk gâe̤ng lĭk-sṳ̄-kiŏk, chiông «Dé̤ṳng-hâ Iâ cĭ Máe̤ng» (A Midsummer Night's Dream);
dṳ̆ng-gĭ gì lâung-mâng hī-kiŏk gâe̤ng pĭ-kiŏk, chiông «Othello» (Othello), «Macbeth» (Macbeth), «Hamlet» (Hamlet) gâe̤ng «Lear Uòng» (King Lear).
Muăk-gĭ gì lâung-mâng hié-kiŏk, chiông «Dĕ̤ng-tĕng gì Gū-sê̤ṳ» (The Winter's Tale).

Sĕk-sé-hòng-sĭ

Shakespeare gì sĕk-sé-hòng-sĭ sê 154 dà̤ sĭ-gŏ̤ gì siŭ-cĭk, dà̤-cài bău-guák ái-cìng, mī-lâ̤, gâe̤ng sī-uòng. Dṳ̀ lāu sĕk-sé-hòng-sĭ, Shakespeare iâ ô siā gì-tă tā̤-cài gì sĭ-gŏ̤.

Wikimedia Commons diē-sié ô gâe̤ng William Shakespeare ô-găng-guó gì nô̤i-ṳ̀ng.