閩南語
閩南語，也號𡅏閩南話、下南話、閩南方言、閩南片等等，是趁中國閩南（福建南部）起源其蜀種閩語，今旦主要敆福建南部、潮汕地區（義安、嶺東）、臺灣𡅏使，新加坡、馬來西亞、東南亞和海外華人臺中也有盡価使其儂。
| 閩南語 | |
|---|---|
| Bân-lâm-ōe/閩南話 | |
| 國家 / 地區 | 中國福建南部、廣東東部、浙江南部、臺灣西部、香港共馬來西亞、新加坡... |
| 主要區域 | 福建南部、廣東東部、浙江南部、臺灣西部 |
| 講其人口 | 4900萬 |
| 系屬 | |
| 文字 |
漢字 白話字 |
| 官方地位 | |
| 官方語言 |
 中華民國 |
| 承認是少數族裔語言 |
中華民國其交通運輸語言 |
| 管理機構 | 中華民國教育部 |
| 語言代碼 | |
| ISO 639-3 | nan |
 閩南語使其範圍 | |
閩南話其地位爭議
Siŭ-gāi共其他漢語變體蜀樣，閩南話其歸屬有爭議，有其專家認為是蜀種漢語方言，有其專家認為是獨立其語言。着中華民國，伊其官方名字號做閩南語[1]。閩南話共其他閩語都是趁原始閩語發展來其，故此儂家會發現伊共其他閩語有盡価共同點。原始閩語是上古漢語吸收在地其閩越語以後，大概敆4世紀其辰候演變發展來其。中國大陸其專家一般認為閩方言其蜀種漢語方言；閩南話是閩方言其蜀種次方言，號𡅏閩南方言，正式其名字是閩語閩南區，今旦復改名閩方言區閩南片。不過國際語言學原則上互相聼𣍐會意其話應該當着認定做語言，儷仈講普通話其儂完全聽𣍐會意閩南話，按總款來講其話閩南話是算蜀種語言，伓是方言。世界少數民族語文研究院（SIL International）下底其網站民族語（Ethnologue）將其認定做漢語族下底獨立其語言。[2]ISO 639-3認為漢語是蜀種「大語言」（macro language），閩南語共其他漢語變體都是漢語下底其成員。
下底其方言
Siŭ-gāi按《中國語言地圖集》，閩南話下底會中分兹隻片區：
- 泉漳片，今旦改名泉漳小片：講者話其儂主要住着中國大陸福建其閩南三地（泉州、漳州、廈門）、福鼎，浙江溫州其蒼南。另外固有台灣其臺北、新北、基隆、宜蘭、臺中西部、南投西部、雲林、彰化、嘉義、臺南、高雄西部、金門、澎湖，共臺東、花蓮其海墘地區。
- 潮汕片，今旦改名潮汕小片：講者話其儂主要住着中國大陸廣東其潮汕地區（潮州、汕頭），固有台灣其桃園。
- 大田片，主要分佈着中國大陸福建三明其大田縣，是閩南話共閩中話其過渡方言。
着指出其是，閩南話共閩南文化認同無必然其關係，像潮汕話乞語言學家認為是閩南話其蜀種，但是潮汕儂對閩南文化透底無文化上其認同。
另外，台灣島講其閩南話最有影響力其腔共福建其廈門腔比較像。台灣話着中華民國官方名字是「台灣閩南語」，趁2024年開始改名號𡅏「台灣台語」。[3]
羅馬字
Siŭ-gāi共福州話其平話字蜀樣，閩南話也有自家其羅馬字，號𡅏白話字。舊底白話字敆閩南地區使其盡普遍，無生福州話平話字粉款儷敆奉教其儂臺中使。今旦閩南儂也基本無幾隻青年哥看會會意白話字了。
參考資料
Siŭ-gāi- ↑ 閩南語沉浸式教學融入幼兒園課程 從生活中學習本土語. 中華民國教育部. 2021-04-20.
- ↑ Min Nan Chinese. Ethnologue.
- ↑ 閩南語更名「台灣台語」 學者：不合理. 聯合新聞網. 2024-07-21.
