Lò̤ Giĕk-sôi

Lò̤ Giĕk-sôi (Jerry Norman, 羅傑瑞; 1936 n. 7 ng. 16 h. - 2012 n. 7 ng. 7 h.), Mī-guók Háng-hŏk-gă. Nièng-kĭng sèng-hâiu găk Gă-ciŭ Dâi-hŏk tĕ̤k-cṳ̆, sê Diêu Nguòng-êng (趙元任) hŏk-sĕng. Ĭ sêu gáu Diêu gì īng-hiōng, dó̤i Háng-ngṳ̄ huŏng-ngiòng gì ngiēng-géu cêng gó̤ héng-ché̤ṳ. 1965 nièng gâe̤ng Dìng Lĭk-ĕu (陳立鷗, Dìng Bō̤-chĭng gì muōi-giāng) hăk-cáuk piĕng siā Hók-ciŭ Huŏng-ngiòng Īng-lâung gâe̤ng Hók-ciŭ-uâ—Ĭng-ngṳ̄ Sṳ̀-diēng. 1969 nièng, Lò̤ huák-biēu guăng-ṳ̀ Gióng-iòng huŏng-ngiòng gì báuk-sê̤ṳ lâung-ùng (The Kienyang Dialect of Fukien).

1972 nièng kăi-sṳ̄, Lò̤ Giĕk-sôi dăng-êng Să̤-ngā-dù Huà-sêng-dáung Dâi-hŏk Ā-ciŭ ngṳ̄-ngiòng ùng-hŏk hiê-cuō-êng, sĕng-hâiu huák-biēu Mìng-huŏng-ngiòng Siăng-diêu gì Huák-diēng (1973), Nguòng-sṳ̄ Mìng-ngṳ̄ gì Siăng-mū (1974), Mìng-dĕ̤ng Huŏng-ngiòng gì Chĕ̤-buô Bó̤-gó̤ (1977), Mìng-ngṳ̄ Ngṳ̄-ĭng Dṳ̆ng gì Sì-găng Cèng-ché̤ṳ (1978), Mìng-huŏng-ngiòng gì Sì-găng Cèng-ché̤ṳ (1979), Nguòng-sṳ̄ Mìng-ngṳ̄ gì Ông-mū gâe̤ng Siông-gū Nàng-huŏng Háng-ngṳ̄ (1981), Bī-gáu Mìng̤-huŏng-ngiòng (1982) dēng lâung-ùng. 1988 nièng chók-bēng Háng-ngṳ̄ Kái-suók, sê gĭng-dáng sié-gái tŭng-ê̤ṳng gì Háng-ngū kuó-buōng.

Lò̤ Giĕk-sôi iâ sê ngiēng-géu Muāng-ngṳ̄ gì cuŏng-gă.