Huŏng Bīng-gié

Huŏng Bīng-gié (方炳桂, 1930 nièng 8 nguŏk – 2016 nièng 12 nguŏk 7 hô̤), Hók-ciŭ-nè̤ng, chók-miàng gì mìng-sṳ̆k cuŏng-gă.

Sĕng-bìng

Huŏng Bīng-gié 1930 nièng găk Hók-ciŭ Chŏng-săng-kṳ̆ Hông-gŏng-diē (鳳崗裏) siŏh bĭk có̤ guŏng-biāng gì sié-gă chók-sié. Niék-gūi-huói sèng-hâiu báik-cèng tá̤ dŏng-sì nàng-hâ gáng-buô có̤ Pū-tŭng-uâ Hók-ciŭ-uâ huăng-ĭk gĕ̤ng-cáuk, kăi-sṳ̆ ngiēng-géu Hók-ciŭ ùng-huá. 1996 nièng kăi-sṳ̄ dăng-êng Hók-ciŭ Ìng-mìng Guōng-bó̤ Diêng-dài «Cō̤-hāi Hiŏng-ĭng» (左海鄉音) ciék-mŭk cuō-tì-ìng. Hók-ciŭ Diêng-sê-dài iâ cuŏng-muŏ-muŏ ôi ĭ kŭi-siék «Huŏng-lō̤ Gōng-gū» (方老講古) gì huŏng-ngiòng làng-mŭk. Gūi-sĕk-nièng giĕng-tì ngiēng-géu, sŏng-duòng Hók-ciŭ mìng-sṳ̆k hiŏng-tū ùng-huá.

2016 nièng 12 nguŏk 7 hô̤ cā-kī-tàu, Huŏng Bīng-gié chăng-gă diŏh Hók-ciŭ Duâi-buông-dáing gṳ̄-hèng gì guók-gă lĭk-sṳ̄ ùng-huá miàng-siàng 30 ciŭ-nièng cô̤-dàng-huôi sèng-hâiu, sĭng-câung-bâng huák-cáuk chiōng-géu mò̤-hâu, màng-buŏ găk cê-gă chuó lā̤ guó-sié, hiōng-sêu 86 huói.

Cáuk-pīng

• «Hók-ciŭ Mìng-găng Gū-sê̤ṳ» (福州民間古事) ISBN 9787211060481
• «Hók-ciŭ Lō̤-gă̤» (福州老街) ISBN 9787211038046
• «Hók-ciŭ Sṳ̆k-ngṳ̄» (福州熟語) ISBN 9787211034321
• «Hók-ciŭ Lō̤-hòng-dáung» (福州老行當) ISBN 9787211040384