Wikipedia:保薦好文/國際象棋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

國際象棋其棋

國際象棋也號𡅏西洋棋，是蜀種棋類遊戲，着今旦國際懸頂客佻其儂嘢価。國際象棋由兩隻儂行，蜀隻儂拈白其子，蜀隻儂拈烏其，其中拈白其着先行。每蜀方其棋臺中都有1粒國王、1粒王后、2粒象（也號𡅏教士）、2頭馬（也號𡅏騎士）、2粒車（也號𡅏城堡）共8粒兵。去拍國王號𡅏將軍，僅是國王乞儂將軍以後無塊走就號𡅏殺棋，乞儂殺棋其許蜀方就輸了。僅是夫儂都無辦法將對方其國王刣囇，就號𡅏和棋。國際象棋其棋盤是蜀組8*8其方格，每蜀隻格格都塗上烏或者白其顏色，共間壁其格格區別開來。國際象棋其祖宗是印度其恰圖蘭卡。恰圖蘭卡也是蜀種棋類遊戲，共今旦國際象棋其棋盤共棋子都盡去像。恰圖蘭卡差不多着薩珊帝國國王霍斯勞一世在位其辰候傳遘波斯。這國王對文學共哲學感興趣，由印度夫塊掏嘢価其書遘波斯。印度儂也將恰圖蘭卡帶遘這國王夫塊，伊見覺嘢有味，將這其改造成沙特蘭茲掏來客佻。 (世落讀...)