Chṳ̆ng-sìng-ngṳ̄
Chṳ̆ng-sìng-ngṳ̄ (沖縄語) sê Liù-giù Chṳ̆ng-sìng-dō̤ nè̤ng gì mū-ngṳ̄, gĭng-dáng gōng ciā uâ gì nè̤ng chă-bók-dŏ̤ ô 98 uâng.
| Chṳ̆ng-sìng-ngṳ̄ | |
|---|---|
| 沖縄口/ウチナーグチ | |
| Tĕ̤k-ĭng | ʔut͡ɕinaːɡut͡ɕi |
| Huák-nguòng guók | Nĭk-buōng Liù-giù |
| Sāi-ê̤ṳng dê-kṳ̆ | Chṳ̆ng-sìng-dō̤ |
| mū-ngṳ̄ sāi-ê̤ṳng-ciā | 984,000 |
| ngṳ̄-hiê |
Nĭk-buōng Ngṳ̄-cŭk
|
| ùng-cê hiê-tūng | Háng-cê, Gā-miàng |
| ngṳ̄-ngiòng dâi-mā | |
| ISO 639-3 |
ryu |
| ELP | South-Central Okinawan |
| Ngùi-hiēng tiàng-dô | |
|
Definitely endangered (UNESCO) ngùi-hiēng | |
Okinawa-ngṳ̄ gô-dā̤ sê Liù-giù-guók gì guăng-huŏng ngṳ̄-ngiòng, găk hī sèng-âu ké̤ṳk nè̤ng hô̤ lā̤ Liù-giù-ngṳ̄. Bók-guó gĭng-dáng Liù-giù-ngṳ̄ ék-buăng cī sū-iū Liù-giù Mìng-cŭk mū-ngṳ̄ gì tūng-chĭng, Chṳ̆ng-sìng-ngṳ̄ nâ sê gì-dṳ̆ng gì siŏh cṳ̄ng ngṳ̄-ngiòng.
1879 nièng, Liù-giù ké̤ṳk Nĭk-buōng miĕk lâi, Nĭk-buōng céng-hū giòng-páuk Liù-giù nè̤ng gōng Nĭk-buōng-ngṳ̄, bêng-chiă dó̤i gōng Liù-giù-ngṳ̄ gì hŏk-sĕng tā̤-huák. Gó-chṳ̄ â̤ báik gōng Okinawa-ngṳ̄ gì nè̤ng muōng biéng muōng ciēu, gáu hiêng-câi Liù-giù nè̤ng ciáh kăi-sṳ̄ bō̤-hô Okinawa-ngṳ̄. Bók-guó, chŭi-iòng-gōng guók-cié gà̤-dēng ī-gĭng sìng-nêng sū-iū Liù-giù-ngṳ̄ dŭ ng-sê Nĭk-buōng-ngṳ̄ gì huŏng-ngiòng, gĭng-dáng Nĭk-buōng guăng-huŏng ĭng-ôi céng-dê gì sṳ̆-iéu, gó sê gó̤ ĭ Okinawa Huŏng-ngiòng.