2018 nièng Dĕ̤ng-hāi iù-sùng puâng-dùng

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。


Dĕ̤ng-hāi iù-sùng puâng-dùng sê̤ṳ-giông (東海油船碰撞事件) huák-sĕng găk 2018 nièng 1 nguŏk 6 hô̤. Hī siŏh nĭk màng-buŏ 8 diēng cō̤-êu, Bă-nā-mā-gék (巴拿馬籍) „SANCHI“ iù-sùng gâe̤ng Hiŏng-gē̤ng-gék sáng-huó-lùng (散貨輪) „CF CRYSTAL“, giàng gáu liê Siông-hāi 300 gŭng-lī gì hāi-méng, dŏk-iòng dâung siŏh dŏi. Iù-sùng „SANCHI“ diē-sié ô ngìng-sék-iù (凝析油), cṳ̄-káik sùng cêu ké̤ṳk huōi-siĕu kó̤.[1][2]

14 hô̤ cā-tàu 10 diēng cō̤-êu, hàng-bók-cháuk lā̤ bŭk-iòng (爆燃). Huōi huōng-ùi cĭng duâi, siĕu iā gèng, â̤ gáu 200 mī. Sùng gà̤-dēng huōi-iĕng ŭ-tók-tók. Sùng-tā̤ (船體) iâ mâing-mâing sīng lŏk kó̤. Â-dáu 3 diēng cō̤-êu, iù-sùng gó̤-lòng ciáh sīng kó̤. Gŏng-gé̤ṳ Dṳ̆ng-guók Guók-gă Hāi-iòng-guŏh (中國國家海洋局) gì gōng-huák, ĭng-ôi sùng ké̤ṳk huōi-siĕu kó̤, cĭng că̤ iù-ŭ (油污) găk hāi gà̤-dēng siĕu, sĕng-tái kuàng-gīng (生態環境) sê̤ṳ gáu ék-dêng īng-hiōng.[1]

Chăng-kō̤ cṳ̆-lâiu Siŭ-gāi

  1. 1.0 1.1 国家海洋局:东海油轮碰撞致生态环境受到一定影响. 人民網. 
  2. 上海沖から漂流中のタンカーが爆発、沈没 32人が不明. 朝日新聞. [2018-01-15]. (nguòng-sṳ̄ nô̤i-ṳ̀ng còng-dŏng diŏh 2018-01-14) (日文).