參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
兩頭獅敆𡅏性交
性交是動物之間掏生殖器來交配其做法。儂其性交也號𡅏做愛，講土話正號𡅏𠚺。性交有異性（男界共女界）之間做其，也有同性之間做其。
男界將陰莖插遘女界其陰道裡勢性交其前後，精液㑚是趁陰道流裡子宮，精液臺中其精子有可能共女界其卵子合蜀堆變成受精卵，這樣款女界就會懷孕生囝。
自家客佻自家其生殖器號𡅏手淫，有其前後也會中算性交其蜀種。
儂其性交，也號𡅏「圓房」（ièng-bùng）、「行房」（giàng-bùng）。
着福州話裡勢，有其前後會使「𠚺別儂娘奶」其話來罵儂。譬如講「𠚺汝奶」、「𠚺伊娘奶」這蜀類其話，罵起來都野伓好聽。
