閩江
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
閩江是福建省第一大其河，發源着福建共江西邊界其武夷山脈，向東南流入東海。江長577公里，流域面積60,992平方公里，佔福建全省面積50%以上。南平嚽塊是上游，南平遘古田開口是中游，茲遘下底是下游。閩江有眞価支流，水量豐富，平均流量是1,980 m3/s，流域面積敆全中國臺中排第12位，年平均流量排全國第七位。黃河其流域面積比閩江大11倍，不過水量囇是伊其92%。
流域
Siŭ-gāi閩江有三芘源頭：北源「建溪」，中源「富屯溪」，也號𡅏「劍溪」，南源「沙溪」。茲三條溪敆武夷山脈共大王山脈裡勢彎來彎去、拋來拋去，遘中尾敆南平繞遘蜀堆。閩江中游支流有「尤溪」共「古田溪」，下游支流有「大樟溪」共「梅溪」。
閩江敆福州茲橛分作南北兩條，趁南臺着馬尾合併，敆閩安鎮復分作兩條入東海。閩江敆福州有眞価景觀，有金山寺、江心公園、羅星塔等等。
