參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
加拿大艾伯塔省倛北萨斯喀彻温河
河，也號𡅏江，是天然其大水道。河起頭其地方有可能是湖或者泉；也有可能是幾條嫩其水道，總款其水道號𡅏溪。
大部分其河，河水會流遘海洋裡勢去。也有河其河水最尾伓是流去海洋，嚽就是內流河。有其內流河是流遘內流湖裡勢去；有其像塔里木河總款，最終着沙漠裡勢變無去。
着正常其情況下底，河水會沿河墘流。有其辰候因為逿過大其雨或者其他各種情況，河水會超過正常其水位，將河墘邊斗其地方汆去，嚽就是做水蕩，也號𡅏發溪水。
河者詞敆舊底一般僅指黃河；江者詞一般僅指長江。其他其河都號𡅏甚乇水甚乇水，譬如講「閩江」敆舊底就號𡅏「閩水」。
