「Báe̤k-gĭng Dâi-hŏk」調整以後𣍐蜀樣其地方

'''Báe̤k-gĭng Dâi-hŏk''' (北京大学) sê [[Dṳ̆ng-guók]] gì siŏh sū gŭng-lĭk dâi-hŏk, gāng-chĭng Báe̤k-dâi (北大), ôi-ché̤ṳ diŏh [[Báe̤k-gĭng]] Hāi-diêng-kṳ̆. Báe̤k-gĭng Dâi-hŏk cháung-gióng ṳ̀ 1898 nièng, sê Dṳ̆ng-guók gê̤ṳng-dâi dâ̤ ék sū guók-lĭk dâi-hŏk. Báe̤k-dâi sê Dṳ̆ng-guók [[Sĭng-ùng-huá Ông-dông]] gâe̤ng [[Ngū-sé Ông-dông]] gì huák-nguòng-dê, iā sê iā sâ̤ sṳ̆-dièu diŏh Dṳ̆ng-guók dék ká̤ gì duòng-bó̤ dê. Ĭ iā sê Dṳ̆ng-guók dê̤ṳng-iéu gì ngièng-géu hìng dâi-hŏk, ké̤ṳk nè̤ng nêng-ôi sê Dṳ̆ng-guók dék hō̤ gì dâi-hŏk cĭ-ék, ô iā gèng gì hŏk-sŭk sĭng-ngê̤ṳ.

 

[[Image:The library of pku.jpg|250px|thumb|Báe̤k-gĭng Dâi-hŏk Dù-cṳ̆-guāng]]

Báe̤k-dâi mŭk-sèng ô 5 ciáh hŏk-buô, 41 ciáh iêng-hiê, 216 ciáh ngièng-géu-sū (hĕ̤k ngièng-géu dṳ̆ng-sĭng), 16 ciáh Guók-gă Dê̤ṳng-diēng Sĭk-ngiêng-sék, 20 ciáh hô-sṳ̆k gâe̤ng gáu-hŏk ĭ-iêng. Ĭ ô 101 ciáh buōng-kuŏ cuŏng-ngiĕk, 4 ciáh dâ̤ nê [[hŏk-sê̤ṳ]] hŏk-ôi cuŏng-ngiĕk, 244 ciáh [[suŏk-sê̤ṳ]] cuŏng-ngiĕk, 201 ciáh [[báuk-sê̤ṳ]] cuŏng-ngiĕk, 81 ciáh cuòng-guók dê̤ṳng-diēng hŏk-kuŏ, 35 ciáh [[báuk-sê̤ṳ-hâiu]] kuŏ-ngièng làu-dông-câng, 1428 ciáh [[gáu-sêu]] (gì-dṳ̆ng [[báuk-sê̤ṳ-sĕng dō̤-sṳ̆ 1227 ciáh]]), 1848 ciáh [[hó-gáu-sêu]], gì-dṳ̆ng [[Dṳ̆ng-guók Kuŏ-hŏk-iêng Iêng-sê̤ṳ]] 52 ciáh, [[Dṳ̆ng-guók Gĕ̤ng-tiàng-iêng Iêng-sê̤ṳ]] 7 ciáh, [[Dâ̤-săng-sié-gái Kuŏ-hŏk-iêng Iêng-sê̤ṳ]] 14 ciáh, ''973 Hâung-mŭk'' siū-sĭk kuŏ-hŏk-gă 14 ciáh, Diòng-gĕ̤ng Hŏk-ciā 95 ciáh. Báe̤k-gĭng Dâi-hŏk gì Iêng-sê̤ṳ, ''973 Hâung-mŭk'' siū-sĭk kuŏ-hŏk-gă, Diòng-gĕ̤ng Hŏk-ciā, [[Guók-gă Dê̤ṳng-diēng Hŏk-kuŏ]] ī-gék Guók-gă Dê̤ṳng-diēng Sĭk-ngiêng-sék gì só-liông dŭ sê cuòng-guók gō̤-hâu diē-sié dék sâ̤ gì.