瀛洲河

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

瀛洲河是福州其內河。河是東北——西南方向其。南勢是江四水閘，懸頂有橋5座，東北共光明港相接。共總長1099.1米，闊12米遘22米。匯水面積大概0.35平方千米。水第一淺其時候有0.5米，會開25噸其船。河經過南臺農貿市場、榕城古街、東百元洪購物廣場。

歷史

只條河原底寬52米。附近30幾鄉，幾萬主居民，食水、開船，都靠只條河。民國19年（1930年），福建省建設廳改建馬路，填塞蜀部分。

環境

敆閩江北岸城區其河臺中，瀛洲河水質最好。河邊都是厝，特別是架遘河懸頂其比較価。屎共糞掃也隨便抾。但是水流野急，一般儥淤積。瀛洲橋兩邊3隻大排汙口屎共糞掃比較価。