扒龍船

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

扒龍船，就是比並龍船其快慢。嚽是東亞其傳統風俗。

各地風俗

福州

敆長樂三溪村，當地儂有暝晡扒龍船其風俗。舊底日中其時候，村裏勢其儂著去塍裏勢，半晡乍轉去，故此暝晡乍有閒扒龍船。者風俗有600年其歷史。每蜀年農曆五月初開始扒龍船，一直做遘五日節許蜀日。由1980年代開始，三溪中學其畢業生也會自發做龍船隊。遘21世紀初，三溪有4隻龍船社，號𡅏「青龍」「聚龍」「毓龍」「龍興」。故有2隻女界組成其隊。2018年，當地也增加了日中扒龍船其比賽。除去當地其儂，也有外斗其儂齊去扒龍船。

日本

日本沖繩縣那霸市的端午龍舟競渡

沖繩縣絲滿市的龍舟競渡

主條目：那霸爬龍船 and 絲滿爬龍船

日本沖繩也有爬龍船其風俗。傳講，嚽是琉球國其時代，閩人三十六姓傳過去其。本底琉球儂是按𡅏舊曆做端午、爬龍船，後首隨𡅏日本使新曆，也就敆新曆其5月3號遘5號爬龍船了。邊兜其絲滿市故是按舊曆做年節，會敆舊曆五月初四共八月十五爬龍船。

主條目：長崎扒龍船

江戶時代開始，爬龍船其習俗由中國傳遘長崎。就總款，長崎儂每蜀年熱天都會爬龍船。