𣗬兜站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

這芘頁面裏勢有福州話特殊其漢字。部分操作系統共瀏覽器需要特殊字母共符号其支持乍會正確顯示Unicode擴展漢字，㑚是無其話，可能會顯示亂碼、方框等等。

𣗬兜站（地鐵站裡勢寫其是「樹兜」），是福州地鐵1號線其蜀萆臺中站其車站，伊敆福建省福州市鼓樓區華林路共五四路墿口其下底。𣗬兜站敆2017年 1月6號開始使。

站名來源

《閩都別記》裡勢有記，𣗬兜夫塊仈曾是瓮城，生其盡像衣兜，會保護福州城。故此福州儂將瓮城其位處號𡅏「兜」，野形象。復因爲嚽所𣗬野価，就告「𣗬兜」了。一直遘民國其時候，地圖懸頂都是寫「𣗬兜」，後首改做「樹兜」。^[1]

𣗬兜站其站廳是一般其裝修，無什乇特色。車站裡勢其廁所敆D出入口。

𣗬兜站其站廳

𣗬兜站有兩萆站臺，都是乞1號線使其。站臺是島式站臺其設計。其中，1號站臺是去象峰，2號站臺是去三江口使其。

去象峰其1號站臺

去三江口其2號站臺

𣗬兜站其C出入口

𣗬兜站其D出入口

𣗬兜站有四萆出入口，但是目前固有蜀萆出入口固無開始使，所以現在有三萆出入口敆使，無障礙電梯敆C出入口，廁所敆D出入口。其中，B出入口其邊兜有公交車站「屏東站」共「省農科院站」，C出入口其邊兜有公交車站「樹兜站」共「屏東站」，D出入口其邊兜有公交車站「屏東站」共「省農行站」。