參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


象棋未行辰候其排法

象棋中國傳統其蜀種類遊戲,有其辰候卜想共國際象棋區別開來,特零意告伊中國象棋。中國、越南琉球客佻這棋其儂比較価。

象棋由兩隻儂行,蜀隻儂拈其子,蜀隻儂拈其。一般來講,拈紅其着先行。每蜀方都有1粒將、2粒士、2粒田、2頭馬、2粒車、2粒炮、5粒卒。拍將號𡅏將軍,僅是將軍以後無塊走就號𡅏殺棋或者完棋,乞儂殺棋其許蜀方就輸了。僅是夫儂都無辦法將對方其將刣囇,就號𡅏和棋。

棋盤臺中有蜀橫空其地方,懸頂寫“河界”兩字,這地方一般乞儂號𡅏河。每蜀方最後蜀橫都有蜀隻共漢字“米”字嘢像其地方,嚽號𡅏宮。田𣍐使過河;卒囝過河以後會使橫行;將共士𣍐使出宮。

象棋子共行法 Siŭ-gāi

棋其樣式 名字 平話字 行法
  Chióng 也號𡅏將軍。會使橫𡅏或者直直𡅏行蜀格,𣍐使出宮。𣍐使乞儂食囇,𣍐使共對方其將正正式對𡅏(嚽號𡅏對將)。僅是自家其將蜀死就輸了。
  Sê̤ṳ 僅中着宮裡勢斜𡅏行,每蜀回行蜀格。大部分其辰候這棋是掏𡅏保護將其。行士也號𡅏“蹩士”。
  Dièng 行田字格,故此號𡅏“田”。田字格其臺中號𡅏田眼,𣍐使有子,僅無行𣍐過。田𣍐使過河。
  Gṳ̆ 橫、直都會行,僅是無子堵着墿臺中,愛行幾步行幾步,故此是象棋臺中其蜀種嘢重要其棋。
  行日字格:就是等先行前蜀步,再斜𡅏行蜀步,茲兩步合蜀堆。前斗夫塊號𡅏馬骹,𣍐使有子,僅無𣍐行。嚽嘢好理解:馬其行法等是頭先講其兩步合蜀步,僅是頭蜀步都行𣍐來,就伓使講第2步了。馬是象棋裡勢最倫活其蜀子。
  Páu 行墿其辰候共車蜀樣;食子其辰候着隔蜀子拍過去,隨便幾格都會使。
  Cók 也號𡅏“卒囝”。每蜀步行蜀格;未過河其辰候僅中向前斗直直式行蜀格;過河以後也會橫𡅏行。𣍐使後退。
維基共享裡勢有共象棋有干過其內容。