臨水奶

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

塔亭臨水陳太后祖廟（福州陳靖姑祖廟），位置著倉山區臨江街道塔亭路6號

臨水夫人故居，位置著福州市倉山區下渡街道工農路

臺灣臺南臨水夫人媽廟

臨水奶名陳靖姑，就是「臨水陳太后」，是福建共臺灣其在地神。福州儂也叫伊「娘奶」「夫人奶」。

據說陳靖姑唐朝時候出世着福州下渡。伊13歲就乞罷奶嫁遘坵塍，15歲逃婚去學習道家法術，18歲復去坵塍結婚。結婚之後敆福州各處牧病救儂，開始出名。24歲帶身敆厝𡅏其辰候，伊哥陳守元因爲求雨無成功，得罪該當刣頭，就向伊求救。故此陳靖姑脱胎去龍潭角求雨，拯救百姓，但是乞長坑鬼害死去。閩王加封陳靖姑做「崇福昭惠臨水夫人」，俗稱「臨水奶」。臨水奶變做神以後，到處顯靈，造福人民，庇佑伲囝哥。

文化禮俗

馬祖南竿牛峰境五靈公廟神龕

做出幼

馬祖有「牛角做出幼」其活動，也就是後生囝其成年禮。只芘活動敆南竿鄉復興村（舊底號𡅏牛角村）牛峰境五靈公廟之臨水夫人神龕前首做，故此告「牛角做出幼」。地區信仰臨水夫人護佑小孩平安長大，故此活動也感謝臨水夫人其護佑。

擺嬭、喜碟

「擺嬭」（ㄅㄝˇㄋㄝ）是馬祖話。「擺」，就是擺設供品。「嬭」就是指臨水嬭，馬祖儂對臨水夫人暱稱「嬭」。當地其信徒會揀好日子，敆神龕前首擺供神明其乇，祈求生兒育女。按習俗，馬祖南竿鄉復興村（牛角村）會供上嬰兒其鞋。福澳村共西莒島會供熟雞卵，卵懸頂插紅色或者白色其花。插紅花求諸娘囝，插白花求丈夫囝。嚽就是求子其神物了。運送花卵其儂，也有性別其要求。敆福澳村，愛挃丈夫囝其人家限由男界送。敆西莒，由好命其或且清白其女界持送。這「擺嬭」其文化，福澳社區復告「喜碟」。