參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


箂球

箂球是蜀種體育運動倛辰候使其。也號𡅏籃球

箂球運動,是蜀種敆箂球場進行其有限接觸運動。雖然大多數情況下底,兩方各5名隊員參加運動,但是3對3、2對2、1對1其比賽也經常會看見。比賽其目的,是將蜀粒箂球嗦遘籃圈裡勢。蜀個籃圈直徑约18英寸(46厘米),懸10英寸(3.048米)。籃圈安裝敆球場兩爿其籃板懸頂。

箂球運動其得分方式,是將球嗦遘對方其籃圈裡。通常情況下底,球隊會獲得2分;儷是敆三分線外斗投球,則獲得3分;儷是對方有犯規行爲,球隊故會罰球來得分,僅得1分。敆比賽結束其辰候,得分領先其球隊為勝方。儷雙方其得分相等,伊各儂會做加時賽來決定勝負。

球員敆場懸頂移動球其方式有兩種,蜀種是敆移動(行走或者奔跑)其辰候將球趁地兜拍起(運球),另蜀種是將球傳遞給隊友。儷敆運球其辰候,球員蜀爿手托球,或者兩爿手掏球,就無能耐再次運球,儷會夠球傳乞隊友,或者投籃。

茲蜀萆運動是詹姆斯•奈史密斯博士敆1891年發明其。