參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


福州火車南站站

福州火車南站站,是福州地鐵1號線其蜀萆臺中站其車站,以後也是5號線其終點站。伊敆福建省福州市倉山區其國鐵福州火車南站其下底。福州火車南站站敆2016年5月18號開始使。

車站結構修改

站廳修改

福州火車南站站其站廳是蜀萆特色站廳,車站站廳其吊頂其主題色是「海絲藍」,利用了線條其造型來體現海納百川其福州城市精神共海上絲綢之路其燦爛文化。車站站廳裡勢故有蜀副漆畫藝術牆,伊其名字號「五虎雄姿」。藝術牆展示了閩江口其日出共五虎山其景色,也體現了福州深厚其漆文化底蘊。車站裡勢其廁所敆D2出入口。

 
福州火車南站站其站廳
 
藝術牆「五虎雄姿」

站臺修改

福州火車南站站有兩萆站臺,都是乞1號線使其。站臺是島式站臺其設計。其中,1號站臺是去象峰,2號站臺是去三江口使其。

 
象峰其1號站臺
 
三江口其2號站臺

出入口修改

 
福州火車南站站其D1出入口

福州火車南站站有八萆出入口,但是目前固有兩萆出入口固無開始使,所以現在有六萆出入口敆使,無障礙電梯敆D1出入口。

爭議修改

 
2016年5月13號其地鐵福州火車南站站其英文標誌

敆2016年5月13號,福州地鐵1號線南段試搭其头工辰候,地鐵裡勢其站名都是使拼音「Fuzhouhuochenanzhan」表示福州火車南站其英文站名。地鐵部門總款其做法引起了市民其爭議。遘尾,敆1號線開通試營運之前,所有其英文標誌已經趁原先其全部拼音改成「Fuzhou South Railway Station」了。