福安話

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

福安話是閩東語北部其蜀種代表方言，屬閩東語北片。使其儂主要着福建省閩東寧德其福安市。福安話是北片其代表方言，共其他北片方言差儥去遠，有其儂也將囫圇隻北片方言都掏統稱號𡅏“福安話”。

福安舊底是寧德地區其文化中心。清朝末年，出現蜀本專門介紹福安話音韻其韻書，名字號𡅏《安腔八音》。

共福州話其區別

相對福州話來講，福安話裡勢保留相當価其古代閩東語其特色。福安話也受北部吳語其影響，發生蜀部份其變化。