參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


白湖亭站

白湖亭站,是福州地鐵1號線其蜀萆臺中站其車站,伊敆福建省福州市倉山區則徐大道其下底。白湖亭站敆2016年5月18號開始使。

站名來源修改

以前敆只塊有蜀萆湖號「白湖」,敆明朝其辰侯,有儂敆白湖其邊兜起了蜀萆亭,號白湖亭。遘尾湖無了,亭也倒了,但是名字有傳遘現在。邊兜有福州最大其公交總站,也是號白湖亭。

車站結構修改

站廳修改

白湖亭站其站廳是一般其裝修,無什乇特色。車站裡勢其廁所敆D出入口。

 
白湖亭站其站廳

站臺修改

白湖亭站有兩萆站臺,都是乞1號線使其,站臺是島式站臺其設計,其中,1號站臺是去象峰,2號站臺是去三江口使其。

 
象峰其1號站臺
 
三江口其2號站臺

出入口修改

 
白湖亭站D其出入口

白湖亭站有四萆出入口,無障礙電梯敆C出入口。其中,C出入口其邊兜有「白湖亭公交總站」,D出入口其邊兜有公交車站「則徐廣場站」。