「Kuóh-dà̤」調整以後𣍐蜀樣其地方
刪去的內容 新增的內容
無編輯摘要 |
無編輯摘要 |
||
Dâ̤ 56 hòng:
=== Géng-gé ===
Kuóh-dà̤ iā giăng nè̤ng téng sùng sèng-dău gĭng-guó, ĭ-gáuk-nè̤ng giéng-gáe̤k cuòi sê cūi-mā gì hióng-cĭng. Bók-guó nâ sê dé̤ṳk diŏh cūi-mā dŭ diŏh lău gèng lì, bié-miēng gūi lì tō̤ mà-huàng. Kuóh-dà̤ káng-giéng dâung cūi lā̤ nè̤ng mâ̤ sāi dĭk-ciék giú siông lì, ô săng tèng săng pù gái giú gì sĭk-guáng. Ĭng-ôi iā sèu giàng sùng, kuóh-dà̤ giăng gōng „tó̤i“ (退), „huàng“ (橫) ciŏng-uâng gì cê. Kuóh-dà̤ giéng-gáe̤k káng-giéng bà̤-lēng-pók gì nó̤h dŭ mâ̤ gék-lé, diāng lō̤ buòng-buòng lō̤ dŭ mâ̤ sāi bà̤-lēng-pók, siăh ngṳ̀ iâ mâ̤ sāi huăng siŏh méng. Kuóh-dà̤ giéng-gáe̤k ngṳ̀ gì mĕ̤k-ciŭ mâ̤ siăh gì, ĭ-gáuk-nè̤ng diŏh sùng-tàu â̤ diĕu ngṳ̀ gì mĕ̤k-ciŭ, giéng-gáe̤k cuòi â̤ bō̤-iêu sùng mâ̤ pâung.
=== Ngṳ̀-gŏ̤ ===
Kuóh-dà̤ gì ngṳ̀-gŏ̤ sê kuóh-dà̤ mìng-găng gì siŏh cṳ̄ng diòng-tūng ĭng-ngŏk, ciō-iéu ô buàng-gŏ̤ gâe̤ng chióng hŏk-nièng-gŏ̤ lâng cṳ̄ng, dŭ sê kĕk Hók-ciŭ-uâ lì chióng. Buàng-gŏ̤ sê siŏh nàng siŏh nṳ̄ dó̤i-chióng, gŏ̤-sṳ̀ sê hiêng-diòng huák-hŭi gì; hŏk-nièng-gŏ̤ sê diŏh guó-nièng gì sèng-âu hióng lṳ̆k-dê gà̤-dēng gì Háng-nè̤ng tō̤ guōi sèng-âu chióng gì gŏ̤. Kuóh-dà̤ ngṳ̀-gŏ̤ ô [[Mìng-kiŏk]] gì kuóh-diêu, iâ dó̤i Hók-ciŭ gì-tă gì mìng-ièu kuóh-ngiê ô ék-dêng gì īng-hiōng, bók-guó gĭng-dáng ô sék-diòng gì ngùi-hiēng, hiêng-câi ī-gĭng ké̤ṳk céng-hū gă gáu [[Hók-ciŭ-chê]] gâe̤ng [[Hók-gióng-sēng]] gì Hĭ-ŭk-cék Ùng-huá Mì-sāng (非物質文化遺產) gì miàng-dăng diē-sié kó̤ lāu.
=== Cŭng-gáu ===
Có̤i cā, kuóh-dà̤ sáng Hók-gióng buōng-tū dĕk-sáik gì iā sâ̤ Dô̤-gáu sìng, gì-dṳ̆ng bău-guák [[Ù-cṳ̆]], Siè-sìng (蛇神), Uă-sìng (蛙神), Lṳ̀ng-sìng (龍神), gó ô [[Mā-cō]], [[Nā-gŭng]], [[Băh-mā-cŏng-uòng]], Kăi-mìng-cŏng-uòng (開閩尊王, [[Uòng Sīng-dĭ]]), Ŭi-ū-cŏng-uòng (威武尊王, [[Uòng Sīng-dièu]]), [[Ngū-hók Uòng-iè]] (五福王爺), [[Lìng-cūi-nā̤]], Dìng Siông-cṳ̆ (陳尚書, [[Dìng Ùng-lṳ̀ng]]), [[Chék-sĭng-nā̤]] (七星奶), [[Chèng-lòi Gŭ-niòng]] gâe̤ng gáuk cṳ̄ng dê-tàu-sìng. Kuóh-dà̤ cĭng sèu giàng-sùng, gó-chṳ̄ diŏh ĭ-gáuk-nè̤ng dâi-dŏng cêng-kó̤ sáng Mā-cō, gó ciŏng Mā-cō gì séng-iōng diòng gáu [[Mìng-báe̤k]] gì nô̤i-lṳ̆k dê-kṳ̆ kó̤. Kuóh-dà̤ gó ciŏng Băh-mā-cŏng-uòng gì séng-iōng diòng gáu [[Mā-cō-dō̤]], Nā-gŭng gì séng-iōng diòng kó̤ [[Liù-giù]]. Iâ ô siŏh buô-hông gì kuóh-dà̤ sáng [[Hŭk-gáu]].
Kuóh-dà̤ duâi-buô-hông dŭ sáng [[Tiĕng-ciō-gáu]]. 2009 nièng, dô̤-iēng Ŭ Hióng-huà (巫向華) gŏng-gé̤ṳ Kuóh-dà̤-giāng gì ùng-huá sĕng-uăk kiák siàng siŏh buô [[diêng-īng]] «Tiĕng-cuō gì Ngṳ̀-hù» (天主其漁夫).▼
17 sié-gī gì sèng-âu, huăng-giāng [[diòng-gáu-sê̤ṳ]] gáu Hók-ciŭ lì uăk-dông, sìng-lĭk [[gáu-kṳ̆]], kăi-sṳ̄ ô kuóh-dà̤ sáng [[Tiĕng-ciō-gáu]]. Téng 19 sié-gī dṳ̆ng-gĭ kī, cī siŏh dêng diòng-gáu-sê̤ṳ ciŏng kuóh-dà̤ dóng có̤ sê dâe̤ng-iéu diòng-gáu dó̤i-chiông, gó ĭng-ôi cuòi dĕk-lìng-é kó̤ ŏ̤k Hók-ciŭ-uâ. Tiĕng-ciō-gáu gáu-huôi dó̤i-chiū hông-gáu gì kuóh-dà̤ siông-áng diâng-gṳ̆, bié-miēng ĭ-gáuk-nè̤ng sêu gáu Háng-nè̤ng gì kiĕ-hô, bô kŭi hŏk-hâu gáu-ṳ̆k kuóh-dà̤, gó-chṳ̄ hông-gáu gì kuóh-dà̤ muōng biéng muōng sâ̤. Gáu gĭng-dáng, duâi-buô-hông gì Kuóh-dà̤ dŭ sáng Tiĕng-ciō-gáu lāu. Kuóh-dà̤ gâe̤ng kuóh-dà̤ gì hâiu-dâi ciéng Hók-ciŭ Tiĕng-ciō-gáu gáu-dù gì ìng-kēu iā duâi.
▲
== Chăng-kō̤ cṳ̆-lâiu ==
| |||