「Guōng-dĕ̤ng」調整以後𣍐蜀樣其地方

'''Guōng-dĕ̤ng''' (廣東), gāng chĭng '''Uŏk''' (粵), sê [[Dṳ̆ng-guók]] nàng-buô iòng-hāi gì [[sēng]], sê Dṳ̆ng-guók [[ìng-kēu]] dék sâ̤ gì sēng-hông. Sēng-huôi [[Guōng-ciŭ]] (廣州) gâe̤ng gĭng-cá̤ dĕk-kṳ̆ [[Chĭng-dáung]] (深圳) sê [[Dṳ̆ng-guók dâi-lṳ̆k]] [[gĭng-cá̤]] dék huák-dăk gì [[siàng-chê]]. Hiĕk-ngiê gì Guōng-dĕ̤ng mò̤ bău-guák lĭk-sṳ̄ siông ké̤ṳk gák có̤ [[Sĭk-mìng cuō-ngiê|sĭk-mìng-dê]] gì [[Hiŏng-gē̤ng]] (香港) gâe̤ng [[Ó̤-muòng]] (澳門).

Guōng-dĕ̤ng ô dŏ̤-nguòng gì [[ùng-huá]]. Guōng-dĕ̤ng dṳ̆ng-buô cuō-iéu gṳ̆-cê̤ṳ gōng [[Uŏk-ngṳ̄]] gì nè̤ng, ĭ-gáuk-nè̤ng siăh Uŏk-chái, káng [[Uŏk-kiŏk]]. Gōng Uŏk-ngṳ̄ gì nè̤ng gì Guōng-hū ùng-huá sê Guōng-dĕ̤ng ùng-huá gì dô̤i-biēu. Iâ ô cêng sâ̤ [[Káh-gă]]-nè̤ng hŭng-buó diŏh Guōng-dĕ̤ng gì [[Hiê-ciŭ (惠州)]], [[Mùi-ciŭ]] (梅州), [[Chĭng-dáung]] (深圳) dēng dê-huŏng. Mùi-ciŭ gì Káh-gă ùng-huá sê Dṳ̆ng-guók Káh-gă ùng-huá gì dṳ̆ng-sĭng. Guōng-dĕ̤ng dĕ̤ng-buô [[Dièu-ciŭ]] (潮州) gâe̤ng [[Sáng-tàu]] (汕頭) ùng-huá sê [[Mìng-nàng]] ùng-huá gì hŭng-ciĕ.