「Hiŏng-gē̤ng」調整以後𣍐蜀樣其地方
刪去的內容 新增的內容
Sĭng hiĕk: thumb|right|200px|Hiŏng-gē̤ng gì kṳ-gì thumb|right|200px|Hiŏng-gē̤ng gì kṳ-hŭi '''Hiŏng-gē̤... |
無編輯摘要 |
||
Dâ̤ 1 hòng:
[[File:Flag of Hong Kong.svg|thumb|right|200px|Hiŏng-gē̤ng gì kṳ-gì]]
[[File:Hong Kong SAR Regional Emblem.svg|thumb|right|200px|Hiŏng-gē̤ng gì kṳ-hŭi]]
'''Hiŏng-gē̤ng'''([[Háng-cê]]: 香港, [[Uŏk-ngṳ̄]]: hoeng<sup>1</sup> gong<sup>2</sup>) sê [[Dṳ̆ng-guók]] nàng
Hiŏng-gē̤ng nguòng-lài sê [[Muāng-chĭng]] [[Guōng-dĕ̤ng]] â-dā̤ gì siŏh ciáh gâing. Nguòng-lài sê siŏh ciáh cêng gò̤ bék gì dê-huōng, iā sâ̤ hāi-chék ciŏng uŏ có̤ diŏh cŭ-uái. Muāng-chĭng găh [[Ă-piéng Ciéng-cĕng]] páh suŏ gò̤, 1842 nièng, ciŏng [[Hiŏng-gē̤ng-dō̤]] gák ké̤ṳk [[Ìng-guók]]; gáu-muōi bô ciŏng [[Gāu-lṳ̀ng]] gâe̤ng [[Sĭng-gái]] cŭ ké̤ṳk Ìng-guók 99 nièng. Ìng-guók ciŏng ciā [[sĭk-mìng-dê]] huák-diēng iā hô̤, niông ĭ biéng-siàng [[Ā-ciŭ]] có̤i huák-dák gì siàng-chê cī-ék, gâe̤ng [[Dâi-hàng Mìng-guók|Hàng-guók]], [[Sĭng-gă-pŏ̤]], [[Dṳ̆ng-huà Mìng-guók|Dài-uăng]] cà̤ hô̤ lā̤ „Ā-ciŭ Sê-siēu-lṳ̀ng“.
Gāu-lṳ̀ng gâe̤ng Sĭng-gái gì cŭ-gĭ găh 1997 nièng gáu-duái, chă-bók-dŏ̤ iù 1970 nièng kăi-sṳ̄, Ìng-guók gâe̤ng [[Dṳ̆ng-guók]] dàng-puáng, buók siŏng ciŏng cī 2 ciáh dê-huōng dèng ké̤ṳk Dṳ̆ng-guók; dáng-sê Dṳ̆ng-guók ék-câi giĕng-tì iâ buók dĭk sê sĭk-mìng-dê gì Hiŏng-gē̤ng-dō̤. Có̤i muōi mò̤-nièng-ài diŏh 1997 nièng 7 ngŏk 1 hô̤ ciŏng Hiŏng-gē̤ng-dō̤ Gāu-lṳ̀ng gâe̤ng Sĭng-gái dŭ dò̤ gău ké̤ṳk Dṳ̆ng-guók, cī giông dâi-gié ké̤ṳk gīng-dáng gì Dṳ̆ng-guók-nè̤ng hô̤ lā̤ „[[Hiŏng-gē̤ng Huòi-gŭi]]“. Ciā „Hiŏng-gē̤ng Dĕk-biék Hèng-céng-kṳ̆“ cêu ciŏng-uâng sìng-lĭk gò̤ lāu.
Hiŏng-gē̤ng-nè̤ng tàu-dā̤ mò̤ chăng-gă Hiŏng-gē̤ng gŭi-sṳ̆k gì dàng-puáng, gó-chṳ̄ ô gì Hiŏng-gē̤ng-nè̤ng ô ké̤ṳk nè̤ng chók-mâ̤ gì găng-gáe̤k. Bô gă lā̤ [[Lṳ̆k-sê Sê̤ṳ-giông]] ī-hâiu mâ̤ ciēu gì Hiŏng-gē̤ng-nè̤ng dó̤i Dṳ̆ng-guók céng-hū êng-chiông mâ̤ hō̤, ô gì nè̤ng giéng-gáe̤k Hiŏng-gē̤ng diŏh dŭk-lĭk hĕ̤k-ciā gié-sṳ̆k ciék-sêu Ìng-guók gì tūng-cié.
Gŏng-gé̤ṳ «[[Hiŏng-gē̤ng Dĕk-biék Hèng-céng-kṳ̆ gĭ-buōng-huák]]» gì giĕ-dêng, Hiŏng-gē̤ng sĭk-siĕ cṳ̆-buōng-ciō-ngiê. Cuòi gâe̤ng Dâi-lŭk gì siâ-huôi-ciō-ngiê cié-dô mâ̤ siŏh iông, ĭng-ôi „bō̤-tì [[cṳ̆-buōng-ciō-ngiê]] cié-dô 50 nièng bók-biéng“ sê Dṳ̆ng-guók céng-hū gâe̤ng Ìng-guók iók-dêng gì. Găh Ìng-guók tūng-cié gì sèng-âu, Hiŏng-gē̤ng gì guăng-huōng ngṳ̄-ngiòng sê [[Ìng-ngṳ̄]] gâe̤ng [[Uŏk-ngṳ̄]], Ìng-ngṳ̄ ôi ciō; gáu „[[Hiŏng-gē̤ng Huòi-gŭi]]“ ī-hâiu, uâng siàng [[Háng-ngṳ̄]] gâe̤ng Ìng-ngṳ̄, Háng-ngṳ̄ ôi ciō. Cêu sê gōng hiêng-câi Uŏk-ngṳ̄ ī-gĭng ng-sê guăng-huōng ngṳ̄-ngiòng lāu. hŏk-hâu gáu-ṳ̆k gì ngṳ̄-ngiòng iā uâng-siàng Háng-ngṳ̄, bók-guó iā sâ̤ nè̤ng huāng-dó̤i ciŏng-uâng có̤.
| |||
