「平話字」調整以後𣍐蜀樣其地方

'''平話字'''是專門掏𡅏寫[[福州話]]其蜀種[[羅馬字]]。伊都領有17萆芘[[字母]]，複合字母共特殊字母僅加底去固有23萆芘。平話字另外固有5萆芘符號掏𡅏標注聲調，1萆芘連字符號掏𡅏連接音節。

[[鴉片戰爭]]以後，趁[[歐洲]]共[[美國]]來其[[基督教]][[傳教士]]為了固好其向中國儂傳教，就去學中國其語言。伊各儂敆學其辰候，按自家其理解，使羅馬字記下來學其內容。之後復有儂去整理茲萆芘羅馬字，統一字母其寫法。拼寫中國地方語言其各種羅馬字就總款問世去了。

按趁現有其材料記載裏勢儂家發現，第一早使羅馬字來記着福州話其儂是耶魯大學其教士授[[懷德]]（M. C. White）。伊當時是寫蜀種號𡅏「威廉·瓊斯音標」（''System of Sir William Jones''）其記音系統來記福州話。

茲套記音系統共今旦平話字特大其差別敆„a̤“，„e̤“，„o̤“共„ṳ“其表達記懸頂，許套記音系統使„á“ 表示 „a̤“, „ó“ 表示 „o̤“, „ë“ 表示 „e̤“, „ü“ 表示 „ṳ“。許時候無儂會使聲調符號，因為標聲調符號其問題都共特殊字母其特殊符號掩去了。不過茲套記音系統會中看做平話字其先體。

然後，趁遘尾了茲套系統由美國來其傳教士[[麥利和]]（R. S. Maclay）， C[[摩嘉立]]（C. C. BaldwinBaldwin）共[[英國]]外交官E. H. Parker也使茲套系統拼寫福州話，不過各儂都對伊儕伓是僅去使，也有去修做出改伊進。伊儕特其中有意義一隻名字號[[史犖伯]]（R.W.Stewart）其修改就是[[愛爾蘭]]儂，將特殊字母懸頂其特殊符號都uâng去兩萆芘點點，bêng都掏剜囇，搬遘字母下底去。總款，字母懸頂就騰出位置會使標聲調去了。伊儕就各儂復設計出來5萆芘符號，來標示福州話其7萆芘聲調。

修改過其字正式稱作福州話以後其茲種拼音文字，也就是現在其平話字。傳教士各儂使平話字出版各種各樣宗教書。1905年，使平話字寫其福州話新約聖經《我救主耶穌基督其新約書》（NGUĀI GÉU-CIŌ IÀ-SŬ GĬ-DÓK GÌ SĬNG-IÓK CṲ̆）出版。1908年，合編其新舊約聖經《聖經新舊約全書》出版。

不過許辰候平話字僅敆基督教教會裏勢使，教會外兜其儂基本不都𣍐曉使。遘1911年[[中華民國成立，華人民族主義]]成立以後，政府發動“國語運動”，制定[[注音字母]]，禁止繼續使傳教士發明其各種拼音文字就是gáu bà̤-cā̤。以後經過政府蜀百年其壓制，使平話字其使用就慢慢數儂罔變罔少，遘現在基本無儂看會會意去了。