烏種儂

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

烏種儂，也號𡅏黑人，是人類其三種人種之一，一般住着熱帶地區。

烏種儂最早住着非洲，夫塊比較落後。遘尾了歐洲儂開始殖民非洲，將野価烏種儂賣遘美洲做黑奴。許辰候白種儂看𣍐起烏種儂，將烏種儂號𡅏「negro」，福州儂也將烏種儂蔑稱號𡅏「烏黜鬼」。

最早烏種儂敆美國地位野低，遘20世紀50年代，律師馬丁·路德·金恩發動烏種儂民權運動，烏種儂其地位乍共白種儂平等。

烏種儂其平均身體素質是世界懸頂所有人種裡勢最好其，故此野価出名其體育運動員是烏種儂。美國前總統貝拉克·歐巴馬也是烏種儂。