明教文佛祖殿

明教文佛祖殿、也號𡅏福壽宮・浦西境福壽宮・福州福壽宮。是位敆福建省福州市台江區義洲街道浦西社區、是也㑚全福州市有倛明教建築、有號𡅏「明教文化倛活化石」倛名號。仱現甲時乞福州市台江區政府定準為「福州市台江區不可移動文物點」。

歷史

明教文佛祖殿裏勢倛內殿

明教文佛祖殿倛歷史是敆宋代開始、每蜀年都敆修理建築共搬遷。憑萬曆年倛『福寧州志』裏勢載𡅏講、明教文佛祖殿是為了供宋代嘉祐年敆閩縣祈雨倛明教祖師林瞪修建倛建築哩。但是敆中國歷史上（加料是大明時代）、對明教大多數都是無擔載倛態度、當地倛萧姓氏族信教倛表面上改信道教、敆內殿裏勢復供囉倛它倛道教共民間信仰倛神、無做聲倛廮𡅏明教文佛倛神主牌掏𡅏供。。敆1997年之前、祖殿舊底倛地址是敆仱現甲時倛福州市味精廠、歹歹敆1997年政府想敆租塊起味精廠後斗勢搬去現時倛浦西。舊底𣍐仈嚽算底所派倛宗教派別、由是敆1998年、政府部門下令改名號「福壽宮」、算福州倛道教裏勢。敆2000年代初、由是證據無夠、學界對福壽宮倛宗教派別有野大倛問題。遘尾敆2008年後發現倛霞浦文書以後、明教文佛祖殿倛宗教派別乍算明教、也算現甲時配備最好最要倛明教寺廟。

明教文佛祖殿固有蜀隻分殿、位敆福州市閩侯縣上街鎮石沙自然村、茲芘分殿信教倛是祖先敆200多年前敆祖殿分爐來哩、廟內裏勢倛神主共祖殿是蜀色哩。