屏山站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

屏山站，是福州地鐵1號線其蜀萆臺中站其車站，伊敆福建省福州市鼓樓區錢塘巷、冶山路共鼓屏路其下底。屏山站敆2017年 1月6號開始使。

站名來源

因為只塊有蜀萆山，様式野像屏風，故此號𡅏屏山。

屏山站其站廳

屏山站其站廳是特色車站。車站裡勢其廁所共考古展示廳敆D出入口。屏山站站廳其付費區裡勢有蜀面浮雕藝術牆，號《屏山古韻》。伊長14米，寬2.85米，是使青石做其。藝術牆展現了屏山站邊兜其華林寺、鎮海樓、歐冶池等文化景點。

地鐵屏山站浮雕

地鐵屏山站考古展示廳

去象峰其1號站臺

去三江口其2號站臺

屏山站有兩萆站臺，都是乞1號線使其。站臺是島式站臺其設計。其中，1號站臺是去象峰，2號站臺是去三江口使其。

屏山站其B出入口

屏山站其D出入口

屏山站有四萆出入口，但是目前固有兩萆出入口固無開始使，所以現在有兩萆出入口敆使。以前敆做地鐵其前後挖出野価其文物，所以出入口做其野特色。伊其無障礙電梯共廁所都敆D出入口。其中，B出入口其邊兜有公交車站「屏山站」，D出入口其邊兜有公交車站「衛生廳站」。