奧運三問

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

奧運三問，是關於中國共奧運會之間關係其3萆問題。嚽是頭蜀回有中國儂公開提出奧運會中國應該當參蜀骹。

歷史

1908年，第4屆奧運會敆倫敦做。遐前後，天津青年會代理總幹事饒伯森通過國際渠道得遘幻燈片，帶遘南開中學其操埕，放乞學生看。看幻燈片之前，南開其學生揭起「奧運三問」其標語，就是：

中國乜辰候有能涯派運動員去參加奧運會？儂家其運動員乜辰候有能涯得遘蜀粒奧運金牌？儂家其國家乜辰候有能涯舉辦奧運會？

許蜀年，《天津青年》報導了只回放映會，故刊登出「奧運三問」。