圓周率
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
圓周率是蜀芘數學常數，是圓其周長共伊其直徑其比率，大概接近3.14159，一般使符號π來表示。
因為π是蜀芘無理數，故此伊無年呆使分數完全表示出其，就是講伊是蜀芘無限不循環小數。當然，伊會使使像 總款其有理數來近似表示。π的數字序列乞認為講是隨機分布的，有蜀種統計上特別其隨機性，但是遘現在固無年呆證明。固加， π 固是蜀芘超越數——伊伓是任何有理數係數多項式其根。因為π其超越性質，化圓為方其問題無可能使尺規作圖來解決。
幾芘文明古國敆嘢早就算出π其比較精確其值，廮生產臺中使。公元5世紀辰候，南朝宋數學家祖沖之使幾何方法將圓周率算遘小數點以後七位數。大概同一時期，印度其數學家也將圓周率算遘小數點以後五位。歷史上頭蜀芘π其精確無窮級數公式（就是π的萊布尼茨公式）遘大概1000年以後才由印度數學家發現。敆20共21世紀，因為電腦技術其快速發展，使電腦來算π，故此精度快速提高。遘2015年， π 其十進位精度已經達遘1013位。現在人計算 π 其值其主要目的是拍破記錄、測試超級計算機其計算能力共高精度乘法算法，因為幾乎所有的科學研究對π其精度要求都儥超過幾百位。
因為π其定義共圓有干過，故此π敆三角學共幾何學其嘢価公式，特別是敆圓、橢球形或者球形相關公式臺中廣泛應用。因為π敆特徵值臺中有特殊作用，伊也敆有其數學共科學領域（譬如講數論共統計臺中計算數據其幾何形狀）臺中出現，也在宇宙學、熱力學、力學共電磁學臺中有所出現。π其廣泛應用使伊成科學界內外會別儂最価其常數之一。大家儂已經出版了幾本專門介紹π其書，圓周率日（3月14號）共π值計算突破記錄也會成為報紙其新聞頭條。此外，背誦π值其世界記錄已經達到100,000位其精度。