帽
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
帽，是戴敆頭懸頂其乇。大多數其帽可以覆蓋囫圇隻頭其頂部。
原始儂將獸皮、𣗬箬蓋敆頭懸頂，來保護自家其頭，嚽就產生了最早其帽。
帽主要是掏來保護頭使。除𡅏茲蜀萆作用，也有遮陽、裝飾、增溫等等功能，故此帽其種類也很価。一部分其帽會有突出其邊緣，可以遮日頭。有些帽子故有簷蓬，會伸遘外兜。
至於掏來裝飾其帽，復有選擇其方法。起頭著根據面其樣式選擇合適其帽。之後著根據自家其身材來選帽。帽其樣式共顏色等，著共服飾等等相配。帽也可以掏來保護髮型、遮蓋瘌頭，或者作為制服或宗教服飾其蜀部分。