天氣之子

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

《天氣之子》是蜀部由日本導演新海誠䀹其動畫電影^[1]^[2]^[3]。

者隻電影描述了蜀隻丈夫囝共諸娘囝其愛情故事。電影其主人公是森島帆高共天野陽菜。

介紹

故事發生敆2021年其日本。家鄉敆伊豆七島最南邊神津島其高中一年級丈夫囝森島帆高共依爸依媽冤家，去了東京。仂其生活使伊著去討工作，最後討其工作是乞蜀隻古怪其雜誌寫文章。

帆高敆者隻大城市取材其時候，碰遘共依弟生活其諸娘囝天野陽菜。伊野通瓏、堅強。敆蜀隻樓頂，陽菜共帆高講：「馬上變好天去！」金赤赤其日頭花䆊敆路囇，鎮灰其世界變好看去。原來，陽菜有能耐改變天氣。敆氣候儥清楚其時代，乞命運陶澤其諸娘囝，應該何如選擇自家其生活？

天氣之子敆中國大陸其票房過了2億人民幣。