參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
芋粿是福建共臺灣其蜀種小食，也是福州傳統其蜀種特殊小食。伊是挈秫米共芋做其，故此號𡅏「芋粿」。
芋粿其做法生總款：將秫米廮水裡勢浸，再磨成漿；仱再共礤過其芋、花生、麻、鹽挈蜀堆，廮炊甑裡勢炊熟；最尾削嫩嫩鎮，挌鼎裡勢去烰。
炸出來其芋粿，皮是金黃其色，外斗酥，裡勢復軟復幼，味無呆。福州儂眞稠將芋粿共鼎邊糊、肉粥、鴨羹粥或者豆漿茲蜀類齊食。
有聲維基百科
