「Mìng-dièu」調整以後𣍐蜀樣其地方

刪去的內容 新增的內容
無編輯摘要
無編輯摘要
Dâ̤ 63 hòng:
Īng-lŏk gì sèng-âu sê Mìng-dièu có̤i huák-dăk gì sì-gĭ. 1449 nièng, [[Mìng Ĭng-cŭng]] kó̤ páh Mūng-gū, cê-gă ké̤ṳk Mūng-gū bĭng niăh kó̤. Iù cuòi ī-hâiu Mìng-dièu huák-diēng mò̤ ī-sèng hō̤ lāu. Gáu-muōi-lāu bô gă lā̤ [[uŏ-káiu]] tié-lāu chĭng-lŏk nàng-huŏng, [[Muāng-ciŭ]] (cêu sê ī-hâiu gì Muāng-chĭng) chĭng-lŏk dĕ̤ng-báe̤k, guók-gă kăi-sṳ̄ muōng có̤ muōng ngài.
 
[[Tiĕng-kiékiē Huòng-dá̤]] câi-ôi gì sèng-âu, huòng-dá̤ mâ̤ báik cê, gó-chṳ̄ niông [[tái-gáng]] [[Nguôi Dṳ̆ng-hièng]] dó̤i-chiū ĭ ché̤ṳ-lī céng-dê. 1627 nièng, [[Sùng-dĭng Huòng-dá̤]] siông-dài, ciŏng ciā Nguôi Dṳ̆ng-hièng tài dâi. Sùng-dĭng buōng-dā̤ buóh siōng hō̤-hō̤ gāi-gáik siŏh hâ, mò̤-niĕ-ài céng-dê hū-bâi, gó̤-lòng guók duâi có̤-căi, siŏh-chék-ché̤ṳ [[nùng-mìng]] duâi cô̤-huāng. Có̤i cṳ̄ng diŏh 1644 nièng, [[Lī Cê̤ṳ-sìng]] gì nùng-mìng-gŭng páh giâ Báe̤k-gĭng, Sùng-dĭng cê̤ṳ-sák. Lĭk-sṳ̄-hŏk-gă dŭ ciŏng cī siŏh nièng dŏng có̤ Mìng-dièu miĕk-uòng gì nièng.
 
Lī Cê̤ṳ-sìng diē Báe̤k-gĭng ī-hâiu, ĭ gì buô-hâ ciŏng iā sâ̤ dŏng-guăng-gì cài-sāng dŏk kó̤, bô găk Báe̤k-gĭng siàng diē-sié lâung-bók-có̤. Mìng-dièu siū [[Săng-hāi-guăng]] gì ciŏng-gŭng [[Ngù Săng-gié]], ĭ gì sá̤-bò̤ [[Dìng Nguòng-nguòng]] cêu ké̤ṳk Lī Cê̤ṳ-sìng gì buô-hâ [[Làu Cŭng-mīng]] dŏk kó̤, ĭ nông-bâ [[Ngù Siŏng]] iâ sêu gáu Lī Cê̤ṳ-sìng gì páuk-hâi. Ngù Săng-gié găng-huō-cĕ̤ng, bóng [[Muāng-chĭng]] buô-dôi diē guăng, ciŏng Lī Cê̤ṳ-sìng miĕk lâi. Muāng-chĭng bô puái bĭng hióng nàng, ciŏng gó̤-lòng ciáh Dṳ̆ng-guók páh giâ lì.