「Hĭ-Pŏ̤ Ciéng-cĕng」調整以後𣍐蜀樣其地方

刪去的內容 新增的內容
~ 機器人 正在新增: eu:Mediar Gerrak
~ Hi-lăk -> Hĭ-lé-nà̤
Dâ̤ 1 hòng:
[[Image:Map Greco-Persian Wars-en.svg|thumb|400px|Hĭ-Pŏ̤ Ciéng-cĕng gì dê-dù|right]]
'''Hĭ-Pŏ̤ Ciéng-cĕng''' sê téng sèng 499 nièng gáu sèng 448 nièng huák-sĕng diŏh ô sâ̤ [[Gū Hĭ-lăklé-nà̤]] siàng-băng gâe̤ng [[Pŏ̤-sṳ̆ Dá̤-guók]] cĭ-găng gì siŏh hiê-liĕk [[ciéng-cĕng]]. Lièng-mèng gì Hĭ-lăklé-nà̤-nè̤ng sìng-gŭng páh iàng lāu Pŏ̤-sṳ̆-nè̤ng gì ĭk-chĭng. Ng-sê sū-iū Hĭ-lăklé-nà̤-nè̤ng dŭ gâe̤ng Pŏ̤-sṳ̆ kŭi ciéng: ô siŏh piĕ dŭ sê bō̤-tì dṳ̆ng-lĭk, dĕk-biék sê dŏng Pŏ̤-sṳ̆ dâi-gŭng lì gáu Hĭ-lăklé-nà̤ sèng-âu, gó ô siŏh piĕ Hĭ-lăklé-nà̤-nè̤ng gâe̤ng Pŏ̤-sṳ̆ lièng-mèng. Gū Hĭ-lăklé-nà̤ [[lĭk-sṳ̄|lĭk-sṳ̄-hŏk-gă]] [[Hĭ-lò̤-dŏ̤-dáik]] ô gŏng-gé̤ṳ ciā dà̤-cài piĕng-siā siŏh buô ūi-dâi gì lĭk-sṳ̄ cáuk-pīng «''Lĭk-sṳ̄''».
 
==Kī-nguòng==
===Hĭ-lăklé-nà̤ gâe̤ng Pŏ̤-sṳ̆===
Dŏng-sì, [[Gū Hĭ-lăklé-nà̤|Hĭ-lăklé-nà̤]] sĭk-hèng siàng-băng tā̤-cié. Ô sâ̤ siàng-băng dài-dŏng, [[Ngā-diēng]] gì [[mìng-cuō]] cié-dô gâe̤ng [[Sṳ̆-bă-dăk]] gì cĭk-tā̤-huá, gŭng-sê̤ṳ-huá cié-dô có̤i ô dô̤i-biēu-séng.
 
 
Gâe̤ng Hĭ-lăklé-nà̤ mâ̤ siŏh-iông, [[Pŏ̤-sṳ̆ Dá̤-guók|Pŏ̤-sṳ̆]] sê siŏh ciáh duâi dá̤-guók, mò̤-dìng-mò̤-hiók găk lā̤ kuóng-diŏng. Pŏ̤-sṳ̆ găk [[Gṳ̆-lū-sê̤ṳ Dâi-dá̤]] (''Cyrus the Great'') sì-dô̤i kăi-sṳ̄ cĭng-hŭk gì-tă [[Ā-ciŭ]], [[Hĭ-ciŭ]] gì mìng-cŭk, siĕng-hâiu cĭng-hŭk [[Lṳ̄-dā̤-ā]] (''Lydia''), [[Bă-bī-lùng]] gâe̤ng [[Gū Ăi-gĭk|Ăi-gĭk]]. Găk [[Dâi-liù-sê̤ṳ]] (''Darius'') sì-dô̤i, Pŏ̤-sṳ̆ siàng có̤ dŏng-sì sié-gái dék giòng-duâi gì guók-gă.
 
===Ĭ-ó̤-nà̤-ā Có̤-huāng===
Dâ̤ 20 hòng:
Chŭi-iòng Ĭ-ó̤-nà̤-ā Có̤-huāng ké̤ṳk áik giâ go̤ lāu, bók-guó [[Ngā-diēng]]-nè̤ng ciĕ-tì Ĭ-ó̤-nà̤-ā ciā dâi-gié niông [[Dâi-liù-sê̤ṳ]] duâi sāi-sáng, buóh-ái bó̤-siù. Sèng 490 nièng, Dâi-liù-sê̤ṳ giók-é hióng Ngā-diēng huák-dông ciéng-cĕng. Ĭ puái lâng-uâng ciáh sê̤ṳ-bĭng găk Mā-lá-sŏng (''Marathon'') bàng-nguòng dĕng-lṳ̆k, có-chói buóh miĕk-uòng Ngā-diēng, bêng-chiā céng siŏh buô sāi [[Sṳ̆-bă-dăk]] hŭk ĭ tūng-dê. Hiā sèng-âu Ngā-diēng giêng-giêng ô siŏh-uâng siông sê̤ṳ-bĭng. Ôi lāu giù géu-bĭng, Ngā-diēng puái bié dék ká̤ gì séng-sé̤ṳ Hié-dĭ-pì-dā̤-sṳ̆ (''Pheidippides'') săng-sĕk-lĕ̤k dēng-cṳ̆ng diē bié gáu Sṳ̆-bă-dăk. Dáng-sê Sṳ̆-bă-dăk ĭng [[cŭng-gáu]] nguòng-ĭng, muôi gáu muāng nguŏk cêu mâ̤-sāi chók bĭng.
 
Dāng sié-huóng iā ngùi-gék. Hĭ-lăklé-nà̤ giók-dêng puái Mī-ī-tì-ā-dā̤-sṳ̆ (''Miltiades'') dăng-êng cī-hŭi-guăng. Ĭng-ôi Pŏ̤-sṳ̆ gŭng-dôi cuō-iéu sê iù [[gŭng-ciéng|gṳ̆ng-ciéng-chiū]], gó-chṳ̄, dŏng Hĭ-lăklé-nà̤ gŭng-dôi céng diē Pŏ̤-sṳ̆ gŭng-dôi siâ-tiàng huàng-ùi diē-sié sèng-âu, cêu ék-diâng ái gă ká̤ iè-dông sók-dô ciáh mâ̤ gáu ké̤ṳk gŭng-ciéng siŏng diŏh. Dáng-sê, sāi hūng-kuāng gì sók-dô bié, cuōng bō̤-tì dôi-ngū dêng-hìng sê dék duâi gì káung-nàng. Giék-guó, Hĭ-lăklé-nà̤-gŭng ká̤-sók iè-dông gì ciéng-sŭk iā sìng-gŭng. Hĭ-lăklé-nà̤ gŭng-dôi bié gì sèng-âu, ciŏng Pŏ̤-sṳ̆ gŭng-dôi bău găk dài-dŏng, Pŏ̤-sṳ̆ gŭng-dôi ké̤ṳk káik siŏh dŏi, dôi-hìng duâi luâng, sī siŏng lĕ̤k-chiĕng siông, Hĭ-lăklé-nà̤ nâ sī báh-gūi ciéh. Mā-lá-sŏng Ciéng-ĭk, Hĭ-lăklé-nà̤ páh iàng Pŏ̤-sṳ̆.
 
===Siék-să̤-sṳ̆ cūng-bê ĭk-chĭng===
Sèng 486 nièng, [[Dâi-liù-sê̤ṳ]] guó-sié, ĭ giāng [[Siék-să̤-sṳ̆]] (''Xerxes'') gié-ôi. Siék-să̤-sṳ̆ có-chói tá̤ lòng-bâ bó̤-siù. Ĭ dò̤ ngô nièng sì-găng cūng-bê. Sèng 480 nièng, Pŏ̤-sṳ̆ dông-uòng sĕk-ngô-uâng sê̤ṳ-bĭng gâe̤ng chă-bók-dŏ̤ lâng-báh dèu ciéng-sùng cūng-bê páh Hĭ-lăklé-nà̤, cuòi găk lĭk-sṳ̄ diē cĭng ciēu giéng. Bók-guó, Siék-să̤-sṳ̆ găk gă-tiĕng bĭng-lĭk sèng-âu mâ̤ gé siŏh ciéh ông-dà̤: Ciéng-siáng kák dòng, kuók-huăk hō̤ gì gē̤ng-kāu â̤ biéng siàng ciŏng-lài páh-ciéng sèng-âu cêng-go̤ kō̤-pá gì káung-nàng; Lêng-nguôi, duâi-dŏ̤-só Pŏ̤-sṳ̆-nè̤ng sĕng-uăk dê-huŏng liê [[hāi]] iā huông, dŭ mâ̤ [[siù-cūi]], páh hāi-ciéng sèng-âu iā kék-kŭi.
 
===Ŭng-cuòng-guăng Ciéng-ĭk===
Dâ̤ 29 hòng:
:Cuō dèu-mĕ̤k: ''[[Ŭng-cuòng-guăng Ciéng-ĭk]]''
 
Găk ciā ngùi-nâng gì guŏh-sié â-dā̤, [[Ngā-diēng]] gâe̤ng [[Sṳ̆-bă-dăk]] lièng-hăk kī lì dó̤i-káung Pŏ̤-sṳ̆. Lṳ̆k-dê siông, Sṳ̆-bă-dăk guók-uòng [[Lī-ó̤-nà̤-dăk Ék-sié]] (''Leonidas I'') gēng-sōng chók dék cĭng-liòng gì 300 ciáh ciéng-sê̤ṳ, suái-liāng ĭ-gáuk-nè̤ng huòng-siū Ŭng-cuòng-guăng (''Thermopylae''). Ŭng-cuòng-guăng sê siŏh dèu hēng cáh hēng cáh gì duô, giê siū nàng páh. Pŏ̤-sṳ̆-nèng háng dĭh cuòi sê kó̤ Hĭ-lăklé-nà̤ mì-ék gì duô, cô ngâing ciĕng diē, sī siŏng iā sâ̤. Săng gĕ̤ng hâiu, siŏh ciáh buōng-dê-nè̤ng chók-mâ̤ Hĭ-lăklé-nà̤, dái Pŏ̤-sṳ̆ gŭng-dôi giàng uăng duô dĭk-ciék lì gáu Sṳ̆-bă-dăk gŭng-dôi piăng-âu. Lī-ó̤-nà̤-dăk gâe̤ng ĭ 300 ciáh ciéng-sê̤ṳ ĭng-ṳ̄ng dā̤-káung, dáng-sê, gó-sê cuòng-buô ké̤ṳk tài sī.
 
Chŭi-iòng Ŭng-cuòng-guăng Ciéng-ĭk ī Sṳ̆-bă-dăk sék-bâi sák-muōi, bók-guó cuòi ôi sié lŏ̤h lì [[Ngā-diēng]] páh iàng [[Să-lá-mī-sṳ̆ Ciéng-ĭk]] tì-gṳ̆ng gĭ-chṳ̄.
Dâ̤ 37 hòng:
:Cuō dèu-mĕ̤k: ''[[Să-lá-mī-sṳ̆ Ciéng-ĭk]]''
 
Sṳ̆-bă-dăk-nè̤ng găk Ŭng-cuòng-guăng gì sék-bâi niông Hĭ-lăklé-nà̤-nè̤ng duâi giăng kī lì, ô sâ̤ siàng-băng dŭ páh-sáung tó̤i liê Să-lá-mī-sṳ̆ (''Salamis'') hāi-uăng. Bók-guó Ngā-diēng ciŏng-gŭng [[Tì-mī-sṳ̆-dŏ̤-káik-sṳ̆]] (''Themistocles'') giĕng-tì cuō-diŏng, găk Să-lá-mī-sṳ̆ Hāi-uăng gâe̤ng Pŏ̤-sṳ̆ giók-ciéng. Ĭ gì lī-iù ô lâng ciéh: 1, Pŏ̤-sṳ̆ gŭng-dôi diòng-dù lì gáu cuāi-nē̤, buō-chṳ̆ng káung-nàng, diŏh kó̤ hāi-gŭng ciáh ô nièng-ngài sié lì páh. Gó-chṳ̄, iŏk-sṳ̄ â̤-sāi pó̤-huâi Pŏ̤-sṳ̆ hāi-gŭng, Pŏ̤-sṳ̆ gŭng-dôi cêu â̤ cāu kó̤. 2, Să-lá-mī-sṳ̆ dê-sié cáh, Pŏ̤-sṳ̆ dâi-gŭng mò̤ bâing-huák diēng kŭi. Kŭi páh hâiu, Tì-mī-sṳ̆-dŏ̤-káik-sṳ̆ cô īng-iū Pŏ̤-sṳ̆ hāi-gŭng gáu Să-lá-mī-sṳ̆, sāi ĭ găk hāi-uăng diē-sié mâ̤ dêng-dâe̤ng, ké̤ṳk Hĭ-lăklé-nà̤ hāi-gŭng páh iàng. Téng dāng kī, Hĭ-Pŏ̤ Ciéng-cĕng gì giék-guŏh cô chă-bók-dŏ̤ káuk-diâng go̤.
 
==Īng-hiōng==
Hĭ-Pŏ̤ Ciéng-cĕng ī-hâiu, Să̤-huŏng sié-gái gì ùng-mìng dṳ̆ng-sĭng téng [[Gê̤ṳng-dĕ̤ng]] dê-kṳ̆ iè gáu [[Dê-dṳ̆ng-hāi]]. Hĭ-lăklé-nà̤ ùng-mìng siàng có̤ hâiu-sié Să̤-huŏng ùng-mìng gì gĭ-chū. Pŏ̤-sṳ̆ ùng-mìng gì īng-hiōng muōng biéng muōng sŏi-lŏ̤h, có̤i-dṳ̆ng ké̤ṳk [[Mā-gì-dáung]] miĕk-uòng.
 
{{Commons|Greco-Persian Wars|Hĭ-Pŏ̤ Ciéng-cĕng}}