|
=== Cŭng-gáu guăng-diēng ===
«[[Séng-gĭng]]» tì gáu gì ái bī ék-buăng ái gì kái-niêng kuák cêng sâ̤. Ái ké̤ṳk nêng-ùi sê siŏh cṳ̄ng sṳ̆-iéu gū-lâ̤ gì hèng-dông. [[Gĭ-dók-gáu]] gū-lâ̤ nè̤ng kó̤ ái bĕk-nè̤ng, ng-nié cê-gă gì puói-ngēu, iâ bău-guák bèng-iū, sêng-cé sê siù-ìng. Găk «[[Gŏ̤-lìng-dŏ̤ Cièng-cṳ̆]]» dâ̤ 13 ciŏng diē-sié ô siŏh dâung guăng-ṳ̀ ái gì uâ:
<blockquote>''<small><font style="color=:#0000ff;">4</font></small> Ìng-ái ô kuăng-ṳ̀ng, cṳ̀-pĭ; ìng-ái mò̤ dó-gê; ìng-ái mò̤ cê̤ṳ-kuă, mò̤ giĕu-ngô̤, <small><font style="color=:#0000ff;">5</font></small> mò̤ hèng hĭ lā̤, mò̤ giù iáh cê-gă, mò̤ gék-ké, mò̤ gié-sáung nè̤ng gì ngài; <small><font style="color=:#0000ff;">6</font></small> ng huăng-hī bók-ngiê, nâ huăng-hī cĭng-lī; <small><font style="color=:#0000ff;">7</font></small> huàng sê̤ṳ bău-hàng, huàng sê̤ṳ sŏng-séng, huàng sê̤ṳ āi-uông, huàng sê̤ṳ ṳ̄ng-nâi. <small><font style="color=:#0000ff;">8</font></small> Ìng-ái táu-dā̤ mâ̤ hié-chiē: nâ gōng muôi lì gì dâi, ciā cài-nèng buóh hié kó̤; gōng gáuk-guók gì uâ, ciā cài-nèng buóh sák; dĭk-sék iâ buóh hié kó̤.''</blockquote>
Lâung-mâng gì ái-cìng diŏh «Séng-gĭng» diē-sié iâ ô chók-hiêng, dĕk-biék găk «[[Ngā-gŏ̤ Cṳ̆]]» diē-sié. Diòng-tūng siông, «Ngā-gŏ̤ Cṳ̆» ké̤ṳk nêng-ùi sê biēu-dăk [[Siông-dá̤]] dó̤i [[Ī-sáik-liĕk]]-nè̤ng ī-gĭk gáu-huôi gì ái. Chiông «Ngā-gŏ̤ Cṳ̆» dâ̤ 8 ciŏng:
<blockquote>''<small><font style="color=:#0000ff;">6</font></small> Nguông nṳ̄ ciŏng nguāi gé lŏ̤h nṳ̄ gì sĭng gâe̤ng éng siŏh-iông, bóng lŏ̤h nṳ̄ gì chiū-bié gâe̤ng éng siŏh-iông; ĭng ciā ái-cìng sê giòng, chiông sī-uòng; páik-chiék gì ái-cìng sê giĕng-gó, chiông ĭng-găng. Bô sê dīng iĕk, chiông táng siĕu gì huōi, chiông Ià-huò-huà chók gì huōi-iêng. <small><font style="color=:#0000ff;">7</font></small> Duâi cūi mò̤ dăng-dŏng miĕk ciā ái-cìng; gĕ̤ng-ò̤ iâ mâ̤ hók-mŭk ĭ. Nè̤ng chŭi-iòng găng-nguông ciŏng ék-chiék gă-cài uâng ciā ái-cìng, ciā cài iâ dék-dék ké̤ṳk nè̤ng duâi káng-kĭng.''</blockquote>
«Séng-gĭng» nêng-ùi ái sê Siông-dá̤ gì dĕk-séng. «[[Iók-hâng Ék-cṳ̆]]» 4:8 ô gōng gáu "''Siông-dá̤ sê ìng-ái''". Gŏng-buōng siông, Siông-dá̤ cêu sê ái gì huá-sĭng.
|
