白湖亭站

白湖亭站，是福州地鐵1號線其蜀萆臺中站其車站，伊敆福建省福州市倉山區則徐大道其下底。白湖亭站敆2017年1月6號開始使。

白湖亭站

站名來源

以前敆只塊有蜀萆湖號「白湖」，敆明朝其辰侯，有儂敆白湖其邊兜起了蜀萆亭，號白湖亭。遘尾湖無了，亭也倒了，但是名字有傳遘現在。邊兜有福州最大其公交總站，也是號白湖亭。

車站結構

站廳

白湖亭站其站廳是一般其裝修，無什乇特色。車站裡勢其廁所敆D出入口。

白湖亭站其站廳

站臺

白湖亭站有兩萆站臺，都是乞1號線使其，站臺是島式站臺其設計，其中，1號站臺是去象峰，2號站臺是去福州火車南站使其。

去象峰其1號站臺

去福州火車南站其2號站臺

出入口

白湖亭站D其出入口

白湖亭站有四萆出入口，無障礙電梯敆C出入口。其中，C出入口其邊兜有「白湖亭公交總站」，D出入口其邊兜有公交車站「白湖亭站」。