「Sṳ̀ng-chéu (Hók-ciŭ chê-chéu)」調整以後𣍐蜀樣其地方

'''Sṳ̀ng-chéu''' (榕𣗬) sê siŏh cṳ̄ng mò̤ [[huă]] gì [[chéu]], hŭng-buó găh [[Hók-gióng]], [[Dài-uàng]], [[Guōng-dĕ̤ng]], [[Mā-lài-să̤-ā]], [[Liù-giù Gùng-dō̤]], [[Ó̤-ciŭ|Ó̤-dâi-lê-ā]] dēng [[iĕk-dái]], [[ā-iĕk-dái]] [[guók-gă]] gâe̤ng dê-kṳ̆. Sṳ̀ng-chéu tā̤-cék duâi, chéu-ngă̤ sâ̤, ô ké-gṳ̆ng; ĭng-ôi ké-gṳ̆ng cêng chiông nè̤ng gì [[chói-chiŭ]], gó-chṳ̄ [[Hók-ciŭ]]-nè̤ng giéu ĭ „sṳ̀ng-chéu-chiŭ“. Sṳ̀ng-chéu siŏh nièng gáu muōi dŭ sê liŏh gì. [[Niŏh|Chéu-niŏh]] hìng-công chiông [[áh-lâung]], liŏh-sáik, iâ ô nék-giāng uòng hĕ̤k-ciā chiēng-è̤ng; guōi-cī nâung, ièng, duâi-è̤ng sáik hĕ̤k-ciā ŭ-sáik. Sṳ̀ng-chéu sĕng-mêng-lĭk giòng, â̤ uăk siàng báh nièng dŭ mâ̤ sĕng.

 

 

== Hók-ciŭ gì sṳ̀ng-chéu ==

:* '''Sĕ̤ng-pău-hăk-bô̤-ṳ̀ng''' (雙抛合抱榕): găh Hók-ciŭ Iòng-giò Lô [[Sĕ̤ng-pău-giò]] (雙抛橋). Chéu-dău ciŭ-dòng 4.65 mī, gèng 20 mī, chéu-muōi dĭk-géng 28 mī. Gé̤ṳ diòng-sióh, gū-cā sèng-hâiu ô siŏh hăk nàng nṳ̄ iù giò lā̤ dàu-cūi cê̤ṳ-sák, cĭ-hâiu lâng ngiâng săng chók 2 dău sṳ̀ng-chéu, bī-chṳ̄ siŏng bô̤.

:* '''Lṳ̀ng-chiòng-ṳ̀ng''' (龍墻榕): găh Hók-ciŭ [[Báik-ék-chék Báe̤k-lô]] (八一七北路) [[Ăng-tái-ò̤]] (安泰河) biĕng [[Ciŏ-ciē-huōng]] (朱紫坊). Chéu-dău ciŭ-dòng 6.12 mī, gèng 20 mī, chéu-muōi dĭk-géng 20 mī.

[[Category:Sĭk-ŭk]]

[[Category:Hók-ciŭ]]