「Jane Eyre」調整以後𣍐蜀樣其地方

刪去的內容 新增的內容
Dâ̤ 5 hòng:
Hī siŏh nĭk, chók kó̤ giàng-dâe̤ng sê mò̤ kō̤-nèng lāu. Gì-sĭk, cāi-tàu nguāi-gáuk-nè̤ng gó ô găk guŏng-tók-tók gì guáng-mŭk chéu-lìng diē-sié láuk lì láuk kó̤ siŏh dēng-cṳ̆ng, bók-guó, téng siĕh-dáu sì-găng kī (nâ mò̤ nè̤ng-káh lì, Lī-dáik Tái-tái iā cā cêu siĕh-dáu lāu), chéng-tiĕng gì hŭng kăi-sṳ̄ chuŏi, ŭ-hùng mĕk buó, săng-bók-siŏh-sì ṳ̄ dâung iā duâi, kó̤ ngiê-dāu uăk-dông iā nâ ô láe̤k ·gó̤.<br/><p ALIGN="RIGHT">''«Cēng Ái» Dâ̤ 1 Ciŏng diéh-luŏh''</p></blockquote>
 
Cṳ̆-niòng-giāng Cēng Ái sê siŏh ciéh gŭ-ì, có̤-sá̤ ké̤ṳk gié-iōng diŏh Gái-cṳ̀-hāi-dáik Cŏng-huòng (''Gateshead Hall'') ĭ niòng-gêng Lī-dáik Tái-tái (''Mrs. Reed'') chuó diē, nĭk-nĭk sêu niòng-gêng kŏ̤-ngiŏk. 10 huói sèng-hâiu, ĭ ké̤ṳk sáe̤ng gáu Lò̤-ū-dáik Gŭ-ì-iêng (''Lowood School''), iêng-diōng iâ sê siŏh ciéh áuk-nè̤ng, dâi Cēng Ái iā ngài. Găk Lò̤-ū-dáik, ĭ giék-sék lāu Hāi-lùng (''Helen Burns''), ĭ mì-ék gì hō̤ bèng-iū, dáng-sê mò̤ nuâi òng, Hāi-lùng cêu puái-bâng sī ·gó̤. Cēng Ái kó̤ cê-gă gì giĕng-giòng nū-lĭk, chiàng lâi hŏk-ngiĕk, làu diŏhLò̤-ū-dáik có̤ sĭng-săng, có̤ lâng nièng, ĭ buóh-ó̤i dŭi-giù cê-gă gì lī-siōng, cêu sṳ̀-cék lāu.
 
Liê-kŭi Lò̤-ū-dáik hâiu, Cēng Ái lì gáu Sŏng-hié-ī-dáik Cŏng-huòng (''Thornfield Manor'') có̤ gă-gáu. Cŏng-huòng-cuō Ái-dáik-huà Lò̤-chiék-sṳ̆-táik (''Edward Rochester'') sê siŏh ciéh séng-gáh ĭng-ók, hī-nô-ù-siòng gì nè̤ng, ĭ gâe̤ng Cēng sèu-sèu ôi diŏh siŏh cṳ̄ng sṳ̆-siōng tié-láu buàng-báuk, dáng-sê lâng gā nè̤ng mâing-mâing dé̤ṳng-é bī-chṳ̄. Ô siŏh gĕ̤ng, Cēng siŭ diŏh ĭ niòng-gêng Lī-dáik Tái-tái gié ké̤ṳk ĭ gì piĕ, gōng ĭ bâng mò̤-muŏk ·gó̤, ó̤i dĭh giéng Cēng. Giéng-méng sèng-hâiu, Lī-dáik Tái-tái dò̤ ké̤ṳk Cēng siŏh hŭng piĕ, sê Cēng gă-gă săng nièng sèng gié lì gì, hióng Lī-dáik Tái-tái dā-téng Cēng gì siĕu-sék, gâe̤ng cê-gă gì mì-sāng gău ké̤ṳk Cēng. Dŏng-sì, Lī-dáik Tái-tái piéng ĭ gōng Cēng Ái găk gŭ-ì-iêng bâng sī ·gó̤, hiêng-câi ĭ liòng-sĭng huák-hiêng, cêu gâe̤ng cĭng-sióng gó̤-só Cēng.