|
[[Image:BanyanFuzhou.jpg|thumb|192px|Sṳ̀ng-chéu|right]]
'''Sṳ̀ng-chéu''' (榕樹) sê siŏh cṳ̄ng mò̤ huă gì chéu, hŭng-buó găh [[Hók-gióng]], [[Dài-uàng]], [[Guōng-dĕ̤ng]], [[Mā-lài-să̤-ā]], [[Liù-giù Gùng-dō̤]], [[Ó̤-dâi-lê-ā]] dēng [[Iĕk-dái|iĕk-dái]], [[Ā-iĕk-dái|ā-iĕk-dái]] [[Guók-gă|guók-gă]] gâe̤ng dê-kṳ̆. Sṳ̀ng-chéu tā̤-cék duâi, chéu-ngă̤ sâ̤, ô ké-gṳ̆ng; ĭng-ôi ké-gṳ̆ng cĭng chiông nè̤ng gì [[Chói-chiŭ|chói-chiŭ]], gó-chṳ̄ [[Hók-ciŭ]]-nè̤ng giéu ĭ "sṳ̀ng-chéu-chiŭ". Sṳ̀ng-chéu siŏh nièng gáu muōi dŭ sê liŏh gì. [[Niŏh|Chéu-niŏh]] hìng-công chiông [[Áh-lâung|áh-lâung]], liŏh-sáik, iâ ô nék-giāng uòng hĕ̤k-ciā chiēng-è̤ng; guōi-cī nâung, ièng, duâi-è̤ng sáik hĕ̤k-ciā ŭ-sáik. Sṳ̀ng-chéu sĕng-mêng-lĭk giòng, â̤ uăk siàng báh nièng dŭ mâ̤ sĕng.
==Hók-ciŭ gì sṳ̀ng-chéu==
Gé̤ṳ-sióh, găh 2,000 nièng sèng, Hók-ciŭ gì nguòng-sṳ̄ [[Mìng-uŏk-cŭ]] cêu ī-gĭng kăi-sṳ̄ kĭng cùng dièu buái sṳ̀ng-chéu lāu.
[[Sóng-dièu]] sì-hâiu, Hók-ciŭ có̤ [[Kă̤-cūi|kă̤-cūi]]. Tái-siū [[Diŏng Báik-ngṳ̆k]] (張伯玉) tŭi-hèng "biĕng hô sĭk ṳ̀ng" (編戶植榕) gì céng-cháik, dái-liāng ciòng siàng gì Báh-sáng cà̤ căi sṳ̀ng-chéu, 3 nièng cêu căi ô siàng uâng dău. Dŏng-sì nè̤ng gōng Hók-ciŭ sê "Lṳ̆k-ĭng muāng siàng, sṳ̄ bók diŏng gái" (綠蔭滿城, 暑不張蓋). Cāi-sióng [[Lī Gŏng]] (李綱) siā gáu: "Sùi ék-huŏng cĭ mī ĭng, lài uâng-lī cĭ chĭng-hŭng" (垂一方之美蔭, 來萬里之清風).
===Hók-ciŭ sĕk-duâi gū-ṳ̀ng===
|
