「Tū-ī-gì」調整以後𣍐蜀樣其地方

}}

'''Tū-ī-gì''' (土耳其, {{lang-tr|Türkiye}}), ciòng-miàng sê "'''Tū-ī-gì Gê̤ṳng-huò-guók'''" ({{lang|tr|Türkiye Cumhuriyeti}}), sê [[Siēu Ā-sá̤-ā]] gì siŏh bĭk [[guók-gă]]. Ĭ guók-géng-siáng siông ô 7 bĭk ciō-iéu gì guók-gă: să̤-báe̤k gì [[Bulgaria]], să̤-biĕng gì [[Hĭ-lé-nà̤]], dĕ̤ng-báe̤k gì [[Gruzia]], [[Armenia]], [[Iran]], dĕ̤ng-nàng-buô gì [[Iraq]] gâe̤ng [[Sê̤ṳ-lé-ā]]. Lêng-nguôi, Tū-ī-gì báe̤k-buô ô [[Ŭ-hāi]], să̤-buô ô [[Ái-gìng-hāi]], nàng-buô ô [[Dê-dṳ̆ng-hāi]]. Tū-ī-gì găk [[Ā-ciŭ]] gâe̤ng [[Ĕu-ciŭ]] dŭ ô liāng-tū.

Hiêng-dâi Tū-ī-gì dê-kṳ̆ găk gū-cā báik-cèng sê [[Dĕ̤ng Lò̤-mā Dá̤-guók]] [[ùng-mìng]] gì sū-câi. [[Dṳ̆ng Sié-gī]] Dĕ̤ng Lò̤-mā ké̤ṳk [[Osman Dá̤-guók]] miĕk-uòng, ciā dê-duòng bô kăi-sṳ̄ [[Ĭ-sṳ̆-làng]]-huá. Gĭng-dáng-nĭk gì Tū-ī-gì ùng-huá sê [[Dĕ̤ng-huŏng]] gâe̤ng [[Să̤-huŏng]] ùng-huá gì ṳ̀ng-hăk.