「福州話」調整以後𣍐蜀樣其地方

刪去的內容 新增的內容
無編輯摘要
~無編輯摘要
Dâ̤ 22 hòng:
'''福州話'''{{Siăng|Cdo fuzhou dialect.ogg}},着[[馬祖]]復號𡅏'''福州語''',是漢語中[[閩語]]其[[閩東語]]其蜀一種,也是[[福州]]民系其本地話。福州當地人共茲蜀種話叫做[[平話]],意思是「平常講其話」。
 
既然講福州話乞官方定叫一種[[方言]],但是趁[[語言學]]其定義懸頂來看,福州話共[[普通話]]差価,甚至根本無辦法講乞講[[閩語]]其其他分支其人聽會意。故此趁總款意義上講,福州話著算一種語言,無能嗨算方言。
 
福州話主要敆[[中華人民共和國]]東南部福建省其閩江流域中下游(包括支流大樟溪共古田溪流域)遘海口蜀帶,有11萆縣市,分別是福州市区、閩侯、永泰、閩清、長樂、羅源、連江、福清、平潭、屏南共古田。海外福州華僑組織有[[福州十邑同鄉會]]。[[中華民國]][[台灣]]地區其[[馬祖]]是使福州話。
 
跟著福州人向外國移民,福州話也傳到東南亞、日本共美國等地其華人社區當中,變成敆外國影響力很大其漢語蜀種。
Dâ̤ 32 hòng:
福州地區最早住其侬是閩部落,遘後來越族遷底其,形成閩越族,後一度形成南方最強大的閩越國。公元前百一年,[[西漢]]滅亡[[閩越國]],共閩越國民入全部遷到江淮地區。茲時候其福州共總已經沟幾隻侬咯,後頭固定其先秦漢人共閩越亡國以後其遷來的北方漢人,變成茲片土地其新主侬,[[古漢語]]就總款敆福州扎根咯。
 
中原漢人歷年遷底閩中,遘西晉永嘉之亂,衣冠入閩其時候,漢人大規模底閩,福州其[[晉安]]之名,就是證據。後頭經過幾囘次漢人其移民底閩,帶來𣍐蜀様其歷史層次其中原漢語,慢慢變成今天其[[閩東語]]。福州話大概敆[[唐朝]]形成,故加歷來看作漢語其蜀萆分支。但是,千百年以來福州話也保存価[[古齊語]]其特點。故此福州話事實上是中原古漢語其流承。1842年,福州開放通商口岸,福州話趁嚽塊開始也加很価英語其詞。
 
敆清朝末年以前,福州地區基本是單語社會。後頭其國民政府共中共都在福州大力推行國語(普通話),政府無讓市民敆公共場合、媒體,特別是學校當中講福州話。
 
幾十年其國語運動是敆茲蜀種理念懸頂:政府認為講,地方語共標準語是𣍐使齊存在其,故加激進其語言政策導致福州話快變成瀕危語言,特別是敆福州市區,因為學校長期使普通話學書共価家长認為講福州话對伲囝成长有負面影響,該加南下聲當命躃底,罔變罔価其福州後生囝𣍐八講福州話。
 
敆馬祖,福州話也面臨蜀様其喫虧。中華民國敆2000年頒佈其《大眾運輸工具播音語言平等保障法》,保護敆公共場合使福州話,故敆馬祖學校裡實使本地話來做本土語言教育。