「Sṳ̀ng-chéu (Hók-ciŭ chê-chéu)」調整以後𣍐蜀樣其地方

'''Sṳ̀ng-chéu''' (榕樹) sê siŏh cṳ̄ng mò̤ huă gì chéu, hŭng-buó găh [[Test-wp/cdo/Hók-gióng|Hók-gióng]], [[Test-wp/cdo/Dài-uàng|Dài-uàng]], [[Test-wp/cdo/Guōng-dĕ̤ng|Guōng-dĕ̤ng]], [[Test-wp/cdo/Mā-lài-să̤-ā|Mā-lài-să̤-ā]], [[Test-wp/cdo/Liù-giù Gùng-dō̤|Liù-giù Gùng-dō̤]], [[Test-wp/cdo/Ó̤-dâi-lê-ā|Ó̤-dâi-lê-ā]] dēng [[Test-wp/cdo/Iĕk-dái|iĕk-dái]], [[Test-wp/cdo/Ā-iĕk-dái|ā-iĕk-dái]] [[Test-wp/cdo/Guók-gă|guók-gă]] gâe̤ng dê-kṳ̆. Sṳ̀ng-chéu tā̤-cék duâi, chéu-ngă̤ sâ̤, ô ké-gṳ̆ng; ĭng-ôi ké-gṳ̆ng cĭng chiông nè̤ng gì [[Test-wp/cdo/Chói-chiŭ|chói-chiŭ]], gó-chṳ̄ [[Test-wp/cdo/Hók-ciŭ|Hók-ciŭ]]-nè̤ng giéu ĭ "sṳ̀ng-chéu-chiŭ". Sṳ̀ng-chéu siŏh nièng gáu muōi dŭ sê liŏh gì. [[Test-wp/cdo/Niŏh|Chéu-niŏh]] hìng-công chiông [[Test-wp/cdo/Áh-lâung|áh-lâung]], liŏh-sáik, iâ ô nék-giāng uòng hĕ̤k-ciā chiēng-è̤ng; guōi-cī nâung, ièng, duâi-è̤ng sáik hĕ̤k-ciā ŭ-sáik. Sṳ̀ng-chéu sĕng-mêng-lĭk giòng, â̤ uăk siàng báh nièng dŭ mâ̤ sĕng.

Gé̤ṳ-sióh, găh 2,000 nièng sèng, Hók-ciŭ gì nguòng-sṳ̄ [[Test-wp/cdo/Mìng-uŏk-cŭ|Mìng-uŏk-cŭ]] cêu ī-gĭng kăi-sṳ̄ kĭng cùng dièu buái sṳ̀ng-chéu lāu.

[[Test-wp/cdo/Sóng-dièu|Sóng-dièu]] sì-hâiu, Hók-ciŭ có̤ [[Test-wp/cdo/Kă̤-cūi|kă̤-cūi]]. Tái-siū [[Test-wp/cdo/Diŏng Báik-ngṳ̆k|Diŏng Báik-ngṳ̆k]] (張伯玉) tŭi-hèng "biĕng hô sĭk ṳ̀ng" (編戶植榕) gì céng-cháik, dái-liāng ciòng siàng gì Báh-sáng cà̤ căi sṳ̀ng-chéu, 3 nièng cêu căi ô siàng uâng dău. Dŏng-sì nè̤ng gōng Hók-ciŭ sê "Lṳ̆k-ĭng muāng siàng, sṳ̄ bók diŏng gái" (綠蔭滿城, 暑不張蓋). Cāi-sióng [[Test-wp/cdo/Lī Gŏng|Lī Gŏng]] (李綱) siā gáu: "Sùi ék-huŏng cĭ mī ĭng, lài uâng-lī cĭ chĭng-hŭng" (垂一方之美蔭, 來萬里之清風).

# '''Sṳ̀ng-chéu-uòng''' (榕樹王): găh [[Test-wp/cdo/Hók-ciŭ Chê Guók-gă Sĕng-lìng Gŭng-huòng|Hók-ciŭ Chê Guók-gă Sĕng-lìng Gŭng-huòng]] diē-sié. Huói-só chă-bók-dŏ̤ 930 nièng, chéu-dău ciŭ-dòng niék-gūi mī, ciéng dê 2 muō, chéu-muōi 1,300 bìng-huŏng-mī, sê Hók-ciŭ có̤i duâi, gó giéu "sṳ̀ng-chéu-uòng".

# '''Ṳ̀ng-siàng dâ̤-ék gu-ṳ̀ng''' (榕城第一古榕): găh Hók-ciŭ [[Test-wp/cdo/Sēng-hū Lô|Sēng-hū Lô]] (省府路) [[Test-wp/cdo/Sé̤ṳk-ŭi Lô|Sé̤ṳk-ŭi Lô]] (肅威路) [[Test-wp/cdo/Puòi-siĕng Gṳ̆ng|Puòi-siĕng Gṳ̆ng]] (裴仙宮) diē-sié. Chéu-dău ciŭ-dòng 14.4 mī, gèng 22 mī, chéu-muōi dĭk-géng 28 mī.

# '''Sêu-ngàng-ṳ̀ng''' (壽岩榕): găh Hók-ciŭ [[Test-wp/cdo/Ṳ̀-săng|Ṳ̀-săng]]. Chéu-dău ciŭ-dòng 9.1 mī, gèng 30 mī, chéu-muōi dĭk-géng 40 mī. Ciā sṳ̀ng-chéu bòng-biĕng gì ngàng-biáh gèng-dēng káik lāu siŏh ciáh cê-géng ô 2.22 mī gì "Sêu" (壽) cê, gé̤ṳ diòng-sióh sê [[Test-wp/cdo/Chĭng-dièu|Chĭng-dièu]] [[Test-wp/cdo/Dô̤-guŏng|Dô̤-guŏng]] nièng-găng ([[Test-wp/cdo/1836 nièng|1836 nièng]]) sū káik gì.

# '''Ìng-cê-ṳ̀ng''' (人字榕): găh Hók-ciŭ [[Test-wp/cdo/Iòng-giò Lô|Iòng-giò Lô]] (楊橋路) [[Test-wp/cdo/Gŏ̤-hŭng Giò|Gŏ̤-hŭng Giò]] (高峰橋) bòng-biĕng. Chéu-dău ciŭ-dòng 7.85 mī, gèng 20 mī, chéu-muōi dĭk-géng 25 mī. Ĭng diŏh siŏh dèu sṳ̀ng-chéu-chiŭ piĕu gáu dó̤i-ngâng, siŏh chéu kià lâng ngâng, cĭng chiông siŏh ciáh "Ìng" (人) cê.

# '''Dṳ̆ng-guók Ták-ṳ̀ng''' (中國塔榕): găh Hók-ciŭ [[Test-wp/cdo/Mā-muōi|Mā-muōi]] [[Test-wp/cdo/Lò̤-sìng Táh|Lò̤-sìng Táh]] (羅星塔) bòng-biĕng. Chéu-dău ciŭ-dòng 4.14 mī, gèng 7 mī, chéu-muōi dĭk-géng 19 mī.

# '''Huà-lìng Sê gū-ṳ̀ng''' (華林寺古榕): găh Hók-ciŭ [[Test-wp/cdo/Huà-lìng Lô|Huà-lìng Lô]] (華林路) [[Test-wp/cdo/Hók-gióng Sēng-céng-hū|Sēng-céng-hū]] muòng-kāu. Chéu-dău ciŭ-dòng 5.96 mī, gèng 22 mī, chéu-muōi dĭk-géng 26 mī. Gé̤ṳ-sióh sê [[Test-wp/cdo/Sóng-dièu|Báe̤k-sóng]] nièng-găng sū sĭk.

# '''Gáh-tiĕng-hâ ṳ̀ng''' (甲天下榕): găh Hók-ciŭ [[Test-wp/cdo/Chŏng-săng|Chŏng-săng]] [[Test-wp/cdo/Hiŏng-cék Sê|Hiŏng-cék Sê]] (香積寺) bòng-biĕng, mèng hióng [[Test-wp/cdo/Mìng-gĕ̤ng|Mìng-gĕ̤ng]]. Chéu-dău ciŭ-dòng 9.35 mī, gèng 20 mī, chéu-muōi dĭk-géng 38 mī.

# '''Tái-săng-ṳ̀ng''' (泰山榕): găh Hók-ciŭ [[Test-wp/cdo/Céng-ăng|Céng-ăng]] siàng-muòng gì [[Test-wp/cdo/Tái-săng Miêu|Tái-săng Miêu]] (泰山廟) bòng-biĕng, ô 2 dău. Báe̤k-sié gì siŏh dău chéu-dău ciŭ-dòng 4.5 mī, gèng 14 mī, chéu-muōi dĭk-géng 17 mī; nàng-sié gì siŏh dău chéu-dău ciŭ-dòng 3.6 mī, gèng 16 mī, chéu-muōi dĭk-géng 19 mī.

# '''Uông-lṳ̀ng-dài gū-ṳ̀ng''' (望龍臺古榕): găh Hók-ciŭ [[Test-wp/cdo/Mìng-gĕ̤ng Gŭng-huòng|Mìng-gĕ̤ng Gŭng-huòng]] diē-sié. Chéu-dău ciŭ-dòng 6 mī, gèng 13 mī, chéu-muōi dĭk-géng 30 mī.

:* '''Sĕ̤ng-pău-hăk-bô̤-ṳ̀ng''' (雙抛合抱榕): găh Hók-ciŭ Iòng-giò Lô [[Test-wp/cdo/Sĕ̤ng-păo Giò|Sĕ̤ng-păo Giò]] (雙抛橋). Chéu-dău ciŭ-dòng 4.65 mī, gèng 20 mī, chéu-muōi dĭk-géng 28 mī. Gé̤ṳ diòng-sióh, gū-cā sèng-hâiu ô siŏh hăk nàng nṳ̄ iù giò lā̤ dàu-cūi cê̤ṳ-sák, cĭ-hâiu lâng ngâng săng chók 2 dău sṳ̀ng-chéu, bī-chṳ̄ siŏng bô̤.

:* '''Lṳ̀ng-chiòng-ṳ̀ng''' (龍墻榕): găh Hók-ciŭ [[Test-wp/cdo/Báik-ék-chék Báe̤k-lô|Báik-ék-chék Báe̤k-lô]] (八一七北路) [[Test-wp/cdo/Ăng-tái Ò̤|Ăng-tái Ò̤]] (安泰河) biĕng [[Test-wp/cdo/Ciŏ-ciē Huōng|Ciŏ-ciē Huōng]] (朱紫坊). Chéu-dău ciŭ-dòng 6.12 mī, gèng 20 mī, chéu-muōi dĭk-géng 20 mī.