|
===Hók-ciŭ sĕk-duâi gū-ṳ̀ng===
[[Image:Suung-cheu Uong.jpg|thumb|400px|[[Hók-ciŭ Guók-gă Sĕng-lìng Gŭng-huòng]] diē-lié gì '''Sṳ̀ng-chéu Uòng'''.|right]]
# '''Sṳ̀ng-chéu Uòng''' (榕樹王): găh [[Hók-ciŭ Chê-chê Guók-gă Sĕng-lìng Gŭng-huòng]] diē-sié. Huói-só chă-bók-dŏ̤ 930 nièng, chéu-dău ciŭ-dòng niék-gūi mī, ciéng dê 2 muō, chéu-muōi 1,300 bìng-huŏng-mī, sê Hók-ciŭ có̤i duâi, gó giéu "sṳ̀ng-chéu-uòng".
# '''Ṳ̀ng-siàng dâ̤-ék gu-ṳ̀ng''' (榕城第一古榕): găh Hók-ciŭ [[Sēng-hū Lô-lô]] (省府路) [[Sé̤ṳk-ŭi Lô-lô]] (肅威路) [[Puòi-siĕng Gṳ̆ng-gṳ̆ng]] (裴仙宮) diē-sié. Chéu-dău ciŭ-dòng 14.4 mī, gèng 22 mī, chéu-muōi dĭk-géng 28 mī.
# '''Sêu-ngàng-ṳ̀ng''' (壽岩榕): găh Hók-ciŭ [[Ṳ̀-săng]]. Chéu-dău ciŭ-dòng 9.1 mī, gèng 30 mī, chéu-muōi dĭk-géng 40 mī. Ciā sṳ̀ng-chéu bòng-biĕng gì ngàng-biáh gèng-dēng káik lāu siŏh ciáh cê-géng ô 2.22 mī gì "Sêu" (壽) cê, gé̤ṳ diòng-sióh sê [[Chĭng-dièu]] [[Dô̤-guŏng]] nièng-găng ([[1836 nièng]]) sū káik gì.
# '''Ìng-cê-ṳ̀ng''' (人字榕): găh Hók-ciŭ [[Iòng-giò Lô-lô]] (楊橋路) [[Gŏ̤-hŭng Giò-giò]] (高峰橋) bòng-biĕngbĕng. Chéu-dău ciŭ-dòng 7.85 mī, gèng 20 mī, chéu-muōi dĭk-géng 25 mī. Ĭng diŏh siŏh dèu sṳ̀ng-chéu-chiŭ piĕu gáu dó̤i-ngâng, siŏh chéu kià lâng ngâng, cĭng chiông siŏh ciáh "Ìng" (人) cê.
# '''Dṳ̆ng-guók Ták-ṳ̀ng''' (中國塔榕): găh Hók-ciŭ [[Mā-muōi]] [[Lò̤-sìng Táh-ták]] (羅星塔) bòng-biĕng. Chéu-dău ciŭ-dòng 4.14 mī, gèng 7 mī, chéu-muōi dĭk-géng 19 mī.
# '''Huà-lìng Sê-sê gū-ṳ̀ng''' (華林寺古榕): găh Hók-ciŭ [[Huà-lìng Lô-lô]] (華林路) [[Hók-gióng Sēng-céng-hū|Sēng-céng-hū]] muòng-kāu. Chéu-dău ciŭ-dòng 5.96 mī, gèng 22 mī, chéu-muōi dĭk-géng 26 mī. Gé̤ṳ-sióhsuók sê [[Sóng-dièu|Báe̤k-sóng]] nièng-găng sū sĭk.
# '''Gáh-tiĕng-hâ ṳ̀ng''' (甲天下榕): găh Hók-ciŭ [[Chŏng-săng]] [[Hiŏng-cék Sê-sê]] (香積寺) bòng-biĕng, mèng hióng [[Mìng-gĕ̤ng]]. Chéu-dău ciŭ-dòng 9.35 mī, gèng 20 mī, chéu-muōi dĭk-géng 38 mī.
# '''Tái-săng-ṳ̀ng''' (泰山榕): găh Hók-ciŭ [[Céng-ăng]] siàng-muòng gì [[Tái-săng Miêu-miêu]] (泰山廟) bòng-biĕng, ô 2 dău. Báe̤k-sié gì siŏh dău chéu-dău ciŭ-dòng 4.5 mī, gèng 14 mī, chéu-muōi dĭk-géng 17 mī; nàng-sié gì siŏh dău chéu-dău ciŭ-dòng 3.6 mī, gèng 16 mī, chéu-muōi dĭk-géng 19 mī.
# '''Uông-lṳ̀ng-dài gū-ṳ̀ng''' (望龍臺古榕): găh Hók-ciŭ [[Mìng-gĕ̤ng Gŭng-huòng]] diē-sié. Chéu-dău ciŭ-dòng 6 mī, gèng 13 mī, chéu-muōi dĭk-géng 30 mī.
# Ô 2 dău bêng-liĕk dâ̤ sĕk miàng:
:* '''Sĕ̤ng-pău-hăk-bô̤-ṳ̀ng''' (雙抛合抱榕): găh Hók-ciŭ Iòng-giò Lô [[Sĕ̤ng-pău Giò-giò]] (雙抛橋). Chéu-dău ciŭ-dòng 4.65 mī, gèng 20 mī, chéu-muōi dĭk-géng 28 mī. Gé̤ṳ diòng-sióh, gū-cā sèng-hâiu ô siŏh hăk nàng nṳ̄ iù giò lā̤ dàu-cūi cê̤ṳ-sák, cĭ-hâiu lâng ngâng săng chók 2 dău sṳ̀ng-chéu, bī-chṳ̄ siŏng bô̤.
:* '''Lṳ̀ng-chiòng-ṳ̀ng''' (龍墻榕): găh Hók-ciŭ [[Báik-ék-chék Báe̤k-lô]] (八一七北路) [[Ăng-tái Ò̤-ò̤]] (安泰河) biĕng [[Ciŏ-ciē Huōng-huōng]] (朱紫坊). Chéu-dău ciŭ-dòng 6.12 mī, gèng 20 mī, chéu-muōi dĭk-géng 20 mī.
[[Category:Sĭk-ŭk]]
| 