「Mìng-gĕ̤ng」調整以後𣍐蜀樣其地方

刪去的內容 新增的內容
~無編輯摘要
~無編輯摘要
Dâ̤ 1 hòng:
[[Image:Cui-kau duai-gio.jpg|thumb|300px|Mìng-gĕ̤ng găk [[Kŭ-chèng]]: Cūi-kāu Duâi-giò (水口大橋)|right]]
'''Mìng-gĕ̤ng''' (閩江) sê [[Hók-gióng-sēng]] dék duâi gì [[ò̤]], huák-nguòng diŏh Hók-gióng gâe̤ng [[Gŏng-să̤]] biĕng-gái gì [[Ū-ì-săng]]-mĕk, hióng dĕ̤ng-nàng làu diē [[Dĕ̤ng-hāi]]. Gáng-làu diòng 577 gŭng-lī, làu-mĭk miêng-cék 60,992 bìng-huŏng gŭng-lī, mū-liŏh iéng Hók-gióng ciòng sēng miêng-cék gì 50% ī-siông. [[Nàng-bìng]] cĭ gèng sê siông-iù, Nàng-bìng gáu Cūi-kāu (水口, găk [[Kŭ-chèng]]) sê dṳ̆ng-iù, Cūi-kāu â-dā̤ sê hâ-iù. Mìng-gĕ̤ng ô cêng sâ̤ ciĕ-làu, cūi-liông hŭng-hó, bìng-gĭng làu-liông sê 1,980 lĭk-huŏng-mī/miēu, làu-mĭk miêng-cék găk [[Dṳ̆ng-guók]] ciō-iéu gĕ̤ng-ò̤ dài-dŏng bà̤ dâ̤ 12 ôi, nièng bìng-gĭng làu-liông bà̤ ciòng-guók dâ̤ 7 ôi. [[Uòng-ò̤]] gì làu-mĭk miêng-cék bī Mìng-gĕ̤ng duâi 11 buôi, bók-guó cūi-liông kiêng-kiêng sê ĭ gì 92%.
 
Mìng-gĕ̤ng diŏh [[Siông-diô]] ô 3 dèu nguòng-tàu: báe̤k-nguòng Gióng-kă̤ (建溪); dṳ̆ng-nguòng Hó-dòng-kă̤ (富屯溪), iâ hô̤ lō̤ Giéng-kă̤ (劍溪); nàng-nguòng Să-kă̤ (沙溪). Cī 3 dèu [[kă̤]] găk Ū-ì-săng-mĕk gâe̤ng [[Dái-ṳ̀ng-săng]]-mĕk diē-sié uăng lì uăng kó̤, pă lì pă kó̤, gáu dṳ̆ng-muōi găk Nàng-bìng hó-gê̤ṳng làu gáu siŏh-dŏi. Mìng-gĕ̤ng dṳ̆ng-iù dê-kṳ̆ buŏng có̤ [[Iù-kă̤]] (尤溪) gâe̤ng Kŭ-chèng-kă̤ (古田溪), hâ-iù làu diē Duâi-ciŏng-kă̤ (大樟溪) gâe̤ng Mùi-kă̤ (梅溪).
 
[[Image:Ming-geeng gak Hok-ciu.gif|thumb|300px|Mìng-gĕ̤ng găk [[Hók-ciŭ]]|right]]
Mìng-gĕ̤ng găk [[Hók-ciŭ]] chê-kṳ̆ buŏng có̤ nàng báe̤k 2 dèu, téng [[Nàng-dòi]] (南臺) diŏh [[Mā-muōi]] (馬尾) hăk-biáng, găk Mìng-ăng-dêng (閩安鎮) bô buŏng có̤ 2 dèu diē [[Dĕ̤ng-hāi]]. Mìng-gĕ̤ng găk Hók-ciŭ ô cêng sâ̤ gīng-guăng, chiông [[Kĭng-săng-sê]], [[Gĕ̤ng-sĭng Gŭng-huòng]], [[Lò̤-sĭng-ták]] dēng-dēng.
 
[[Image:Cui-kau duai-gio.jpg|thumb|300px|Mìng-gĕ̤ng găk [[Kŭ-chèng]]: Cūi-kāu Duâi-giò (水口大橋)|rightleft]]
[[Image:Ming-geeng gak Hok-ciu.gif|thumb|300px|Mìng-gĕ̤ng găk [[Hók-ciŭ]]|right]]
 
[[Category:Mìng-cṳ̆]]